Qazgıdromet: Maýsymnyń 3-i kúngi aýa raıy boljamy
NUR-SULTAN. QazAqparat – «Qazgıdromet» respýblıkalyq memlekettik kásiporny maýsymnyń 3-i kúngi aýa raıy boljamyn jarııalady, dep habarlaıdy QazAqparat.
Kásiporynnyń málimetterine qaraǵanda, 3 maýsym kúni Qazaqstan terrıtorııasynyń basym bóliginde ońtústikten kelgen tsıklon saqtalady, osyǵan baılanysty keı jerlerde naızaǵaı oınap jańbyr jaýady, burshaq jaýýy yqtımal.
Elimizdiń batys bóliginiń keı jerlerinde nóser jaýyn jaýady. Respýblıkanyń keı jerlerinde jel kúsheıip, daýyl turady, ońtústikte jáne ońtústik-shyǵysta shańdy daýyl turady, soltústiginde túnde jáne tańda tuman túsýi yqtımal.
Jambyl oblysynda, kúndiz Qyzylorda, Mańǵystaý oblystarynyń keı jerlerinde shańdy daýyl turyp, jeldiń jyldamdyǵy sekýndyna 15-20 metrge jetedi. Jambyl oblysynyń keı jerlerinde burshaq jaýýy yqtımal.
Batys Qazaqstan oblysynda, kúndiz Qostanaı, Soltústik Qazaqstan oblystarynyń keı jerlerinde daýyl turyp, burshaq jaýady, jel 15-23 m/s jyldamdyqpen soǵady.
Soltústik Qazaqstan oblysynda túnde jáne tańerteń tuman túsedi.
Túrkistan oblysynyń taýly aımaǵynda daýyl turady, kúndiz keı jerlerinde jel shańdy daýyl turyp, jyldamdyǵy sekýndyna 15-20 metrge jetedi.
Aqmola, Almaty, Pavlodar, Qaraǵandy oblystarynda, kúndiz Aqtóbe, Atyraý oblystarynyń keı jerlerinde jel 15-23 m/s-qa deıin kúsheıedi.
Atyraý oblysynyń keı jerlerinde daýyl turyp, burshaq jaýady.
Qaraǵandy oblysynyń keı jerlerinde burshaq jaýýy múmkin.
Shyǵys Qazaqstan oblysynyń keı jerlerinde jel 15-20 m/s jyldamdyqpen soǵady, kúndiz ekpini 25 m/s-qa deıin kúsheıip, keı jerlerinde daýyl turyp, burshaq jaýady.
Kúndiz Qyzylorda, Jambyl, Mańǵystaý, Atyraý, Shyǵys Qazaqstan oblystarynyń basym bóliginde, Almaty oblysynyń keı jerlerinde, Aqtóbe oblysynyń ońtústiginde aptap ystyq bolady.
Qyzylorda, Jambyl, Aqtóbe oblystarynda, Atyraý, Qaraǵandy, Almaty, Shyǵys Qazaqstan, Túrkistan, Qostanaı, Pavlodar oblystarynyń keı jerlerinde, Aqmola oblysynyń jekelegen aýdanynda óte órt qaýpi saqtalady.
