Qazgıdromet: Maýsymnyń 26-sy kúngi aýa raıy boljamy
NUR-SULTAN. QazAqparat – «Qazgıdromet» RMK-sy maýsymnyń 26-y kúngi aýa raıy boljamyn jarııalady, dep habarlaıdy QazAqparat.
Kásiporynnyń málimetterine qaraǵanda, respýblıkanyń soltústiginde, ortalyǵynda jáne shyǵysynda atmosferalyq aǵyndaryń ótýimen jańbyr, naızaǵaı, burshaq jaýady.
Eldiń batysy men ońtústiginde kún jaýyn-shashynsyz bolady. Keı jerlerde jel kúsheıip, soltústik jáne soltústik-shyǵysta túnde jáne tańerteń keı jerlerde tuman bolady.
Jambyl, Aqtóbe, Qaraǵandy oblystarynyń keı jerlerinde jel 15-20 m/s jyldamdyqpen soǵady.
Qostanaı, Shyǵys Qazaqstan oblystarynyń keı jerlerinde burshaq jaýýy yqtımal, kúndiz jel 15-20 m/s jyldamdyqpen soǵady.
Pavlodar, Soltústik Qazaqstan oblystarynyń keı jerlerinde túnde jáne tańerteń tuman bolady, kúndiz Pavlodar oblysynyń keı jerlerinde jel 15-20 m/s jyldamdyqpen esedi.
Kúndiz Batys Qazaqstan, Atyraý oblystarynda aptap ystyq bolady. Mańǵystaý, Aqtóbe oblystarynda da kún qatty ysıdy.
Qyzylorda, Mańǵystaý, Atyraý, Aqtóbe oblystarynyń basym bóliginde, Túrkistan, Jambyl, Qaraǵandy, Batys Qazaqstan, Qostanaı oblystarynyń keı jerlerinde órt qaýpi kútiledi.
