Qazgıdromet: Maýsymnyń 2-si kúngi aýa raıy boljamy
NUR-SULTAN. QazAqparat – «Qazgıdromet» RMK-sy maýsymnyń 2-si kúngi aýa raıy boljamyn jarııalady, dep habarlaıdy QazAqparat.
Kásiporynnyń boljamyna qaraǵanda, 2 maýsym kúni Qazaqstannyń basym bóligi tsıklonnyń yqpalynda bolady. Osyǵan qaraı keı jerlerde naızaǵaı oınap, jańbyr jaýady, burshaq jaýýy da yqtımal.
Tek eldiń soltústiginde ǵana antıtsıklon jotasynyń áserinen kún jaýyn shashynsyz bolay. Respýblıkanyń keı jerlerinde jeldiń kúsheıýi, daýyl, ońtústikte shańdy daýyl kútiledi.
Túrkistan, tańerteń jáne kúndiz Qyzylorda oblystarynyń keı jerlerinde shańdy daýyl, jeldiń jyldamdyǵy sekýndyna 15-20 metrge jetedi.
Jambyl oblysynyń keı jerlerinde jel 15-20 m/s jyldamdyqpen soǵady, kúndiz shańdy daýyl turyp, burshaq jaýýy yqtımal.
Aqmola oblysynyń keı jerlerinde jeldiń kúshi sekýndyna 15-20 m/s-qa jetedi, túnde tuman bolady.
Soltústik Qazaqstan oblysynyń keı jerlerinde túnde jáne tańerteń tuman túsedi, kúndiz jel 15-20 m/s jyldamdyqpen soǵady.
Almaty, Qaraǵandy, Shyǵys Qazaqstan oblystarynyń keı jerlerinde kúndiz jel 15-20 m/s-qa deıin kúsheıedi. Qaraǵandy oblysynyń keı jerlerinde burshaq jaýýy yqtımal.
Qostanaı, Pavlodar oblystarynyń keı jerlerinde jeldiń jyldamdyǵy sekýndyna 15-20 metrge jetedi.
Batys Qazaqstan oblysynyń keı jerlerinde burshaq jaýýy yqtımal.
Kúndiz Qyzylorda, Jambyl, Almaty, Mańǵystaý, Atyraý, Aqtóbe oblystarynyń basym bóliginde, Qaraǵandy, Túrkistan oblystarynyń keı jerlerinde qatty ystyq bolady.
Qyzylorda, Jambyl, Aqtóbe oblystarynda, Atyraý, Qaraǵandy, Almaty, Shyǵys Qazaqstan, Túrkistan, Qostanaı oblystarynyń keı jerlerinde, Aqmola, Pavlodar oblystarynyń jekelegen aýdanynda óte joǵary órt qaýpi saqtalady.
