Qazgıdromet maýsymnyń 14-i kúngi kún raıy boljamyn jarııalady
NUR-SULTAN. QazAqparat – «Qazgıdromet» RMK-sy maýsymnyń 14-i kúngi kún raıy boljamyn jarııalady, dep habarlaıdy QazAqparat.
Kásiporyn taratqan derekterge qaraǵanda, Qazaqstan terrıtorııasynyń basym bóligine áli de tsıklonnyń jáne onymen baılanysty atmosferalyq aǵyndardyń yqpalynda bolady. Soǵan baılanysty kún raıy qubylmaly bolady, naızaǵaımen birge jańbyr jaýady, sonymen birge burshaq jaýyp, daýyl turady, elimizdiń ońtústik-shyǵysynda nóser jaýyn jaýady. Respýblıka boıynsha jel kúsheıedi, ońtústik-batysta, ońtústiginde shańdy daýyl turady.
Aqmola oblysynyń soltústiginde, ońtústik-shyǵysynda, ońtústik-batysynda naızaǵaı oınap, kúndiz burshaq jaýady, daýyl turady, oblystyń soltústiginde, shyǵysynda, ońtústik-batysynda jeldiń jyldamdyǵy sekýndyna 15-20 metrge deıin kúsheıedi.
Túnde Shyǵys Qazaqstan oblysynyń soltústiginde, shyǵysynda, kúndiz basym bóliginde naızaǵaı oınap, burshaq jaýady, daýyl turady, naızaǵaı kezinde jeldiń jyldamdyǵy sekýndyna 15-20 metrge deıin kúsheıedi.
Tańerteń jáne kúndiz Qostanaı oblysynyń soltústiginde, shyǵysynda naızaǵaı oınap, burshaq jaýady, daýyl turady, kúndiz soltústik-shyǵysynda, shyǵysynda jeldiń jyldamdyǵy sekýndyna 15-20 metrge jetedi.
Almaty oblysynda naızaǵaı oınaıdy, naızaǵaı kezinde jeldiń jyldamdyǵy sekýndyna 15-20 metrge jetedi. Oblystyń soltústiginde, shyǵysynda ekpini 25 m/s-qa deıin kúsheıedi.
Soltústik Qazaqstan oblysynyń soltústiginde, batysynda, shyǵysynda naızaǵaı oınap, daýyl turady, burshaq jaýady, jeldiń jyldamdyǵy 15-20 m/s-qa deıin kúsheıedi, túnde jáne tańerteń oblystyń ońtústik-batysynda tuman bolady.
Pavlodar oblysynyń ońtústiginde, kúndiz ortalyǵynda naızaǵaı oınap, burshaq jaýady, naızaǵaı kezinde jeldiń jyldamdyǵy sekýndyna 15-20 metrge deıin kúsheıedi.
Qaraǵandy oblysynyń soltústiginde, shyǵysynda naızaǵaı oınap, burshaq jaýady, kúndiz jeldiń jyldamdyǵy sekýndyna 15-20 metrge deıin kúsheıedi.
Jambyl oblysynyń taýly aýdandarynda naızaǵaı oınap, burshaq jaýady, daýyl turady, kúndiz jeldiń jyldamdyǵy sekýnyna 15-20 metrge deıin kúsheıedi.
Túrkistan oblysynyń taýly aýdandarynda naızaǵaı oınap, daýyl turady, jeldiń jyldamdyǵy sekýnyna 15-20 metrge deıin kúsheıedi.
Mańǵystaý oblysynyń batysynda, soltústiginde, ortalyǵynda shańdy daýyl turyp, jel sekýndyna 15-20 metrge deıin kúsheıedi, kúndiz batysta, ońtústiginde naızaǵaı oınaıdy.
Kúndiz Qyzylorda oblysynyń ortalyǵynda shańdy daýylmen birge jel 15-20 m/s-qa deıin kúsheıedi.
Kúndiz Mańǵystaý oblysynyń ońtústiginde 38 gradýs aptap ystyq bolady.
Qyzylorda, Shyǵys Qazaqstan, Almaty oblystarynyń batysynda, Aqtóbe oblysynyń ońtústiginde, shyǵysynda, Qostanaı oblysynyń ońtústiginde, Qaraǵandy oblysynyń ońtústiginde, batysynda, shyǵysynda tótenshe órt qaýpi saqtalady.
