Qazgıdromet maýsymnyń 13-i kúngi kún raıy boljamyn jarııalady
Qazaqstan terrıtorııasynyń basym bóligine áli de tsıklonnyń jáne onymen baılanysty atmosferalyq aǵyndardyń yqpalynda bolady, soǵan baılanysty kún qubylmaly bolady, naızaǵaı oınap, jaýyn jaýady.
Sonymen birge burshaq jaýyp, daýyl turady, elimizdiń soltústiginde, ońtústiginde, ońtústik-shyǵysynda nóser jaýyn jaýady. Respýblıka boıynsha jel kúsheıedi, ońtústik-batysta shańdy daýyl turady.
Almaty oblysynyń batysynda, ońtústiginde, shyǵysynda, taýly aımaqtarynda naızaǵaı oınap, burshaq jaýady, daýyl turady, naızaǵaı kezinde jeldiń jyldamdyǵy sekýndyna 15-20 metrge, ekpin 25 metrge jetedi.
Jambyl oblysynyń batysynda, ońtústiginde, shyǵysynda, taýly aımaqtarynda naızaǵaı oınap, burshaq jaýady, daýyl turady, túnde oblystyń taýly aımaqtarynda, kúndiz ońtústik-batysynda, soltústik-shyǵysynda, taýly aımaqtarynda jel sekýndyna 15-20 metr jyldamdyqpen esedi, kúndiz taýly aýdandarda ekpini 25 m/s-ke deıin kúsheıedi.
Soltústik Qazaqstan oblysynyń ońtústiginde, batysynda, shyǵysynda naızaǵaı oınap, daýyl turady, burshaq jaýady, túnde jáne tańerteń oblystyń batysynda tuman túsedi, kúndiz oblystyń batysynda jel 15-20 m/s jyldamdyqpen soǵady.
Aqmola oblysynyń soltústik-batysynda, ońtústik-shyǵysynda, ortalyǵynda naızaǵaı oınap, burshaq jaýady, daýyl turady, jel 15-20 m/s kúsheıedi.
Qostanaı oblysynyń batysynda, shyǵysynda, naızaǵaı, burshaq daýyl kútiledi, kúndiz oblystyń basym bóliginde jel 15-20, ekpini 25 m/s kúsheıedi.
Túrkistan oblysynyń ońtústiginde, batysynda, taýly, taý bókterindegi aımaqtarynda naızaǵaı oınap, daýyl turady, naızaǵaı kezinde jeldiń jyldamdyǵy sekýndyna 15-20 metrge jetedi.
Aqtóbe oblysynyń túnde shyǵysynda, ortalyǵynda, kúndiz ońtústiginde naızaǵaı oınap, túnde oblystyń ortalyǵynda tuman túsedi.
Kúndiz Qaraǵandy oblysynyń batysynda, soltústiginde, shyǵysynda naızaǵaı oınaıdy, jel sekýndyna 15-20 metr jyldamdyqpen soǵady.
Tańerteń jáne kúndiz Pavlodar oblysynyń batysynda, soltústiginde naızaǵaı kútiledi, kúndiz oblystyń batysynda jel 15-20 m/s kúsheıedi.
Kúndiz Qyzylorda oblysynyń soltústiginde naızaǵaı oınap, daýyl turady, oblystyń soltústiginde, ortalyǵynda jel 15-20 m/s-qa deıin kúsheıedi.
Shyǵys Qazaqstan oblysynyń soltústiginde, shyǵysynda naızaǵaı oınaıdy, kúndiz oblystyń batysynda jel sekýndyna 15-20 metr jyldamdyqpen soǵady.
Kúndiz Mańǵystaý oblysynyń soltústiginde shańdy daýyl turady, jeldiń kúshi 15-20 m/s-ke jetedi.
Qyzylorda, Shyǵys Qazaqstan oblysynyń batysynda, Aqtóbe oblysynyń ońtústiginde, shyǵysynda, Qostanaı oblysynyń ońtústiginde, Qaraǵandy oblysynyń ońtústiginde, batysynda, Almaty oblysynyń batysynda tótenshe órt qaýpi saqtalady.
