Qazgıdromet maýsymda keı óńirlerde qurǵaqshylyq qaýpi joǵary ekenin boljady
ASTANA. KAZINFORM — «Qazgıdromet» RMQ sınoptıkteri maýsym aıyna arnalǵan qurǵaqshylyq boljamyn jarııalady.
Naqtylanǵan boljamǵa sáıkes bıylǵy jyldyń maýsymynda atmosferalyq qurǵaqshylyq elimizdiń tórt óńirinde kútiletini habarlandy.
- Aqtóbe oblysynda Shalqar aýdanynda;
- Almaty oblysynda Balqash aýdanynda;
- Jetisý oblysynda Qaratal aýdanynda;
- Qyzylorda oblysynda Aral jáne Qazaly aýdandarynda.
Atalǵan aýdandarda jergilikti qurǵaqshylyqtyń paıda bolý yqtımaldyǵy joǵary.
Eldiń qalǵan aýmaǵynda ylǵaldaný jaǵdaılary osy aı úshin norma shamasynda bolady dep kútilip otyr.
Boljam «Qazgıdromet» RMK resmı saıtynda jáne www.agrodata.kz qosymshasynda jarııalanǵan.
Sınoptıkter buǵan deıin aldyn ala boljamǵa sáıkes atmosferalyq qurǵaqshylyq tómendegi óńirlerde kútiletinin jarııalaǵan bolatyn:
- Qostanaı oblysynda — Amangeldi, Qarasý, Áýlıekól jáne Jangeldın aýdandarynda;
- Batys Qazaqstan oblysynda — Jańaqala aýdanynda;
- Qaraǵandy oblysynda — Shet aýdanynda;
- Aqmola oblysynda — Ereımentaý jáne Arshaly aýdandarynda;
- Aqtóbe oblysynda — Shalqar jáne Yrǵyz aýdandarynda;
- Atyraý oblysynda — Qurmanǵazy jáne Mahambet aýdandarynda;
- Qaraǵandy oblysynda — Aqtoǵaı, Nura jáne Shet aýdandarynda;
- Ulytaý oblysynda — Ulytaý jáne Jańaarqa aýdandarynyń jekelegen eldi mekenderinde;
- Almaty oblysynda — Jambyl aýdanynda;
- Jetisý oblysynda — Alakól aýdanynda;
- Jambyl oblysynda — Talas aýdanynda;
- Qyzylorda oblysynda — Qazaly, Qarmaqshy, Shıeli aýdandarynda jáne Qyzylorda qalasynda.
Aıta keteıik, BUU qurǵaqshylyq saldary aýqymdy bolatynyn eskertken edi.
