Qazgıdromet: Mamyrdyń 9-y kúngi aýa raıy boljamy
NUR-SULTAN. QazAqparat - Qazaqstanyń basym bóliginde atmosferalyq frontaldy bólikterdiń ótýine baılanysty aýa raıy qubylmaly bolady, dep habarlaıdy QazAqparat «Qazgıdromet» RMK-na silteme jasap.
Kásiporny taratqan málimetterge qaraǵanda, respýblıkanyń keı jerlerinde naızaǵaı oınap, jańbyr jaýady.
Qazaqstannyń batysynda jáne shyǵysynda kún jaýyn-shashynsyz bolady. Respýblıkanyń keı jerlerinde jel kúsheıip, soltústikte, ońtústikte jáne ońtústik-shyǵysta jel kúsheıedi, burshaq jaýýy múmkin.
Aqmola, Jambyl, Túrkistan, kúndiz Almaty oblystarynyń keı jerlerinde naızaǵaı oınap, daýyl turyp, burshaq jaýady. Jel 15-20 m/s jyldamdyqpen soǵady.
Aqmola oblysynyń keı jerlerinde tuman túsedi.
Qostanaı oblysynyń keı jerlerinde tuman túsip, naızaǵaı oınaıdy, daýyl turyp, jel 15-20 jyldamdyqpen soǵady, jeldiń ekpini sekýndyna 23 metrge jetedi.
Soltústik Qazaqstan oblysynyń keı jerlerinde tuman túsip, naızaǵaı oınaıdy, daýyl turyp, jel sekýndyna 15-20 mter jyldamdyqpen soǵady, ekpini 25 m/s bolady.
Kúndiz Atyraý, Mańǵystaý, Batys Qazaqstan oblystarynyń keı jerlerinde jel sekýndyna 15-20 metrge deıin kúsheıedi. Atyraý, Mańǵystaý oblystarynyń keı jerlerinde kúndiz naızaǵaı oınaıdy.
Túnde jáne tańerteń Qyzylorda oblysynyń keı jerlerinde naızaǵaı oınap, jel 15-20 m/s jyldamdyqpen soǵady.
Pavlodar oblysynyń keı jerlerinde tuman túsip, naızaǵaı oınaıdy, daýyl turyp kúndiz jeldiń jyldamdyǵy sekýndyna 15-20 metrge jetedi, keı jerlerde ekpini 25 m/s bolady.
Qaraǵandy oblysynyń keı jerlerinde naızaǵaı oınap, burshaq jaýady, túnde tuman túsedi, kúndiz keı jerlerde jel 15-20 m/s jyldamdyqpen soǵady.
