Qazgıdromet mamyrdyń 27-si kúngi kún raıy boljamyn jarııalady
NUR-SULTAN. QazAqparat – «Qazgıdromet» RMK-sy mamyrdyń 27-si kúngi kún raıy boljamyn jarııalady, dep habarlaıdy QazAqparat.
Qazaqstan aýmaǵynan frontaldy bólikterdiń ótýine baılanysty kún raıy qubylmaly bolady, jańbyr jaýyp, taýly aımaqtarda nóserletedi, naızaǵaı oınap, jel kúsheıedi, burshaq jaýýy yqtımal. Elimizdiń ońtústiginde – shańdy daýyl turady.
Jambyl oblysynyń ońtústiginde, batysynda, taýly aımaqtarynda naızaǵaı oınap, burshaq jaýyp, kóktaıǵaq bolady, ońtústik-batysta, soltústik-shyǵysta, taýly aımaqtarda jeldiń jyldamdyǵy sekýndyna 15-20 metrge, ekpini 23-28 metrge jetedi.
Túrkistan oblysynyń soltústiginde, batysynda – shańdy daýyl turyp, soltústikte, batysta jáne taýly aýdandarda – jeldiń jyldamdyǵy sekýndyna 15-25 metrge deıin jetedi. Ońtústikte, soltústikte, batysta, oblystyń taýly jáne taý bókterindegi aýdandarynda naızaǵaı oınap, burshaq jaýady, daýyl turady.
Qyzylorda oblysynyń ortalyǵynda, shyǵysynda jel sekýndyna 15-20 metrge deıin kúsheıedi, kúndiz oblys ortalyǵynda shańdy daýyl soǵady.
Soltústik Qazaqstan oblysynda jeldiń jyldamdyǵy sekýndyna 15-20 metrge jetedi. Soltústikte, batysta, oblystyń shyǵysynda ekpini jeldiń 23-28 m/s bolyp, naızaǵaı oınap, burshaq jaýyp, daýyl turady.
Qostanaı oblysynda 15-20 m/s jyldamdyqpen jel soǵady, oblystyń soltústiginde, shyǵysynda naızaǵaı oınaıdy.
Mańǵystaý oblysynyń soltústik-shyǵysynda túnde – naızaǵaı oınaıdy, kúndiz jel 15-20 m/s jyldamdyqpen soǵady.
Atyraý oblysynyń soltústiginde naızaǵaı oınaıdy.
Batys Qazaqstan oblysynyń soltústiginde, batysynda naızaǵaı oınap, burshaq jaýady, daýyl turyp, jel 15-20 m/s jyldamdyqpen esedi.
Kúndiz Almaty oblysynyń taýly aımaqtarynda, Shyǵys Qazaqstan oblysynyń shyǵysynda, túnde Aqmola oblysynyń batysynda, soltústiginde, ońtústiginde naızaǵaı oınap, jel 15-20 m/s jyldamdyqpen soǵady.
Kúndiz Qaraǵandy oblysynyń ortalyǵynda, ońtústiginde naızaǵaı oınaıdy, oblystyń ońtústigi men shyǵysynda jyldamdyǵy 15-20 m/s jel soǵady.
Pavlodar oblysynyń ońtústiginde, shyǵysynda kúndiz naızaǵaı oınaıdy, tańerteń jáne kúndiz oblystyń soltústik-batysynda jeldiń jyldamdyǵy sekýndyna 15-20 metrge deıin kúsheıedi.
Kúndiz Almaty, Pavlodar oblysynyń basym bóliginde, Qaraǵandy oblysynyń ońtústik-shyǵysynda aptap ystyq bolady.
Shyǵys Qazaqstannyń oblysynyń Jarma aýdanynda, Qyzylorda, Pavlodar oblystarynyń ortalyǵynda tótenshe órt qaýpi saqtalady.
