Qazgıdromet: Mamyrdyń 23-i kúngi aýa raıy boljamy
NUR-SULTAN. QazAqparat – Mamyrdyń 23-i kúni Qazaqstannyń batys bóliginde jaýyn jaýyp, naızaǵaı oınap, jel kúsheıip, burshaq jaýýy múmkin. Al eldiń shyǵys bóliginde joǵary qysymnyń áserinen kún ashyq bolady, dep habarlaıdy QazAqparat «Qazgıdromet» RMK-nyń málimetterine silteme jasap.
Kásiporyn taratqan málimetterge qaraǵanda, respýblıkada jel kúsheıip, ońtústikte jáne ońtústik batysta shańdy daýyl kóterilip, soltústikte tuman túsedi.
Batys Qazaqstan oblysynyń keı jerlerinde kúshti jel turyp, burshaq jaýýy yqtımal. Kúndiz jeldiń jyldamdyǵy sekýndyna 15-20 metrge deıin kúsheıedi.
Qyzylorda, Mańǵystaý, Atyraý, Jambyl, Túrkistan, kúndiz Aqtóbe, Qostanaı, Soltústik Qazaqstan oblystarynyń keı jerlerinde jel sekýndyna 15-20 metr jyldamdyqpen uıtqıdy. Jambyl oblysynda kúndiz jeldiń ekpini sekýndyna 23 metr bolady. Qyzylorda, Mańǵystaý oblystarynda shańdy daýyl kóteriledi. Soltústik Qazaqstan oblysynda túnde jáne tań ata keı jerlerge tuman túsedi.
Kúndiz Almaty oblysynyń Jalańashkól aýdanynda jyldamdyǵy sekýndyna 15-20 metr jel soǵady.
Shyǵys Qazaqstan oblysynyń soltústiginde órt qaýpi saqtalady.
