Qazgıdromet: Mamyrdyń 18-i kúngi aýa raıy boljamy
NUR-SULTAN. QazAqparat - Mamyrdyń 18-i kúni Qazaqstan aýmaǵynan atmosferalyq aǵymdardyń ótýine baılanysty respýblıkanyń kóp jerlerinde jaýyn jaýady, dep habarlaıdy QazAqparat «Qazgıdromet» RMK-na silteme jasaı otyryp.
Kásiporyn taratqan málimetterge qaraǵanda, búgin tek elimizdiń shyǵysynda ǵana jaýyn-shashyn bolmaıdy. Sondaı-aq respýblıkanyń keı jerlerinde naızaǵaı oınap, tuman túsip, jel kúsheıedi, daýyl turyp, burshaq jaýýy da múmkin.
Aqmola oblysynyń keı jerlerinde daýyl bolyp, burshaq jaýýy múmkin. Túnde jeldiń jyldamdyǵy 15-20 m/s, kúndiz 15-20 m/s bolady, ekpini sekýndyna 25 metrge deıin jetýi yqtımal.
Shyǵys Qazaqstan oblysynyń keı jerlerinde jel sekýndyna 15-20 metr jyldamdyqpen uıtqıdy, kúndiz ekpini 25 m/s-ǵa deıin kúsheıedi.
Qyzylorda oblysynyń keı jerlerinde kúndiz shańdy daýyl kóterilýi yqtımal. Jeldiń jyldamdyǵy sekýndyna 15-20 metrge kúsheıip, burshaq jaýady.
Soltústik Qazaqstan, Túrkistan, Batys Qazaqstan oblystarynyń keı jerlerinde jel 15-20 m/s kúsheıedi, burshaq jaýýy múmkin.
Soltústik Qazaqstan, Túrkistan oblystarynyń keı jerlerinde daýyl turýy yqtımal.
Pavlodar, Jambyl oblystarynda, kúndiz Aqtóbe, Qaraǵandy oblystarynyń keı jerlerinde jeldiń jyldamdǵy 15-20 m/s-qa deıin kúsheıedi.
Qaraǵandy oblysynda tuman túsedi degen boljam bar. Kúndiz Mańǵystaý oblysynyń keı jerlerine tuman túsip, burshaq jaýýy múmkin.
Shyǵys Qazaqstan, Almaty oblystarynyń keı jerlerinde 1-3 gradýs úsik júredi.
Qyzylorda oblysynda óte joǵary órt qaýpi saqtalady.
