Qazgıdromet: Mamyrdyń 14-i kúngi aýa raıy boljamy
NUR-SULTAN. QazAqparat – «Qazgıdromet» RMK-sy 14-i kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, 14-shi mamyr kúni soltústik-batys antıtsıklony áserinen Qazaqstan terrıtorııasynyń basym bóliginde kún jaýyn-shashynsyz bolady.
Tek respýblıkanyń soltústik, shyǵys jáne ońtústik-shyǵysynda atmosferalyq frontaldy bólikterdiń ótýimen keı jerlerde jańbyr jaýyp, naızaǵaı oınaıdy. Respýblıkanyń keı jerlerinde jel kúsheıip, ońtústikte shańdy daýyl turady, soltústikte – tuman túsedi, shyǵysta burshaq jaýýy yqtımal.
Túrkistan oblysynyń keı jerlerinde shańdy daýyl turady, jel 15-20 jyldamdyqpen soǵady, ekpini 23 m/s bolady.
Qyzylorda oblysynyń keı jerlerinde túnde, kúndiz basym bóliginde jeldiń jyldamdyǵy sekýndyna 15-20 metrge jetedi. Keı jerlerde shańdy daýyl turady.
Almaty, Jambyl, Pavlodar, Shyǵys Qazaqstan, kúndiz Qaraǵany oblystarynyń keı jerlerinde jel 15-20 m/s jyldamdyqpen uıtqıdy.
Shyǵys Qazaqstan oblysynyń keı jerlerinde burshaq jaýýy múmkin.
Soltústik Qazaqstan oblysynyń keı jerlerinde tuman túsedi.
Qyzylorda oblysynyń keı jerlerinde, Almaty oblysynyń jekelegen aýdandarynda óte joǵary órt qaýpi saqtalady.
