Qazgıdromet: Mamyrdyń 10-y kúngi aýa raıy boljamy
NUR-SULTAN. QazAqparat – «Qazgıdromet» RMK-sy mamyrdyń 10-ny kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, Qazaqstannyń basym bóliginde atmosferalyq frontaldy bólikterdiń ótýine baılanysty kún qubylmaly bolady. Eldiń soltústik, ortalyq bóliginiń keı jerlerinde jańbyr jańbyr jaýyp, ońtústik-shyǵystyń taýly aýdandarynda nóser jaýyn jaýady.
Respýblıka boıynsha keı jerlerde tuman túsip, naızaǵaı oınap, jel kúsheıedi, daýyl turyp, burshaq jaýýy yqtımal.
Soltústik Qazaqstan, Pavlodar oblystarynda jeldiń jyldamdyǵy sekýndyna 15-20, keı jerlerinde ekpini 23-28 metrge deıin kúsheıedi, keı jerlerinde naızaǵaı oınaıdy.
Soltústik Qazaqstan oblysynda tuman túsip, daýyl turady, burshaq jaýýy yqtımal.
Túnde Aqmola oblysynda jel turyp, jyldamdyǵy sekýndyna 15-20 metrge, kúndiz 15-20, keı jerlerinde ekpini 23 m/s-qa deıin kúsheıedi. Keı jerlerde naızaǵaı oınap, tuman túsip, daýyl turady, burshaq jaýýy yqtımal.
Jambyl, Batys Qazaqstan, Qaraǵandy oblystarynyń keı jerlerinde jeldiń jyldamdyǵy sekýndyna 15-20 metrge jetedi, naızaǵaı oınap, tuman túsedi, burshaq jaýýy yqtımal.
Jambyl, Batys Qazaqstan oblystarynyń keı jerlerinde daýyl urady.
Almaty, Túrkistan, Atyraý, Mańǵystaý, Shyǵys Qazaqstan, Qostanaı oblystarynyń keı jerlerinde naızaǵaı oınap, jeldiń jyldamdyǵy sekýndyna 15-22 metrge jetedi. Qostanaı oblysynda – tuman túsedi, Almaty, Túrkistan oblystarynda burshaq jaýýy yqtımal.
Kúndiz Qyzylorda, Aqtóbe oblystarynyń keı jerlerinde jeldiń jyldamdyǵy sekýndyna 15-20 metrge deıin jetýi yutımal. Qyzylorda oblysynyń keı jerlerinde óte joǵary órt qaýpi saqtalady.
