Qazgıdromet: Mamyrdyń 1-i kúngi kún raıy boljamy
NUR-SULTAN. QazAqparat – «Qazgıdromet» RMK-sy mamyrdyń 1-i kúngi kún raıy boljamyn jarııalady, dep habarlaıdy QazAqparat.
Kásiporyn taratqan derekterge qaraǵanda, respýblıka aýmaǵynyń basym bóliginde atmosferalyq frontaldy bólikterdiń ótýine baılanysty kún turaqsyz bolady, naızaǵaı oınap, daýyl turady, jańbyr jaýady.
Respýblıkanyń shyǵysynda, ońtústiginde ǵana kún jaýyn-shashynsyz bolady. QR boıynsha jel kúsheıedi.
Túnde Almaty oblysynyń taýly aýdandarynda naızaǵaı oınap, ońtústikte jáne Alakól kólderiniń aýdanynda jeldiń kúshi sekýndyna 15-20 metrge jetip, ekpini 24-29 metr bolady.
Shyǵys Qazaqstan oblysynyń ortalyǵynda, shyǵysynda, ońtústiginde 15-20, ekpini 23 m/s jel soǵady.
Kúndiz Pavlodar oblysynyń ońtústik-batysynda naızaǵaı oınap, jel 15-20 m/s-ke deıin kúsheıedi.
Kúndiz Qaraǵandy oblysynyń soltústiginde, shyǵysynda naızaǵaı oınaıdy, jel 15-20 m/s-qa deıin kúsheıedi.
Kúndiz Jambyl oblysynyń ońtústik-batysynda, soltústiginde jáne taýly aýdandarynda jel 15-20 m/s-qa deıin kúsheıedi.
Kúndiz Aqtóbe oblysynyń ońtústiginde naızaǵaı, oblystyń ońtústik-batysynda 15-20 m/s jyldamdyqpen jel soǵady.
Kúndiz Aqmola oblysynyń soltústik-batysynda, shyǵysynda kún kúrkireıdi, soltústiginde, shyǵysynda jeldiń jyldamdyǵy 15-20 m/s-qa jetedi.
Kúndiz Mańǵystaý oblysynyń soltústik-shyǵysynda naızaǵaı oınaıdy, jeldiń jyldamdyǵy sekýndyna 15-20 metrge jetedi.
Qostanaı oblysynyń batysy men soltústiginde naızaǵaı oınap, jel 15-20 m/s jyldamdyqpen soǵady.
Soltústik Qazaqstan oblysynyń batysy men shyǵysynda jel 15-20 m/s jyldamdyqpen uıtqıdy.
Atyraý oblysynyń shyǵysynda, ońtústiginde jel 15-20 m/s jyldamdyqpen soǵady, kúndiz Batys Qazaqstan oblysynyń ońtústiginde, shyǵysynda jeldiń jyldamdyǵy 15-20 m/s-ke deıin kúsheıedi.
Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda, Pavlodar oblysynyń ortalyǵynda tótenshe órt qaýpi saqtalady.
