Qazgıdromet mamyrdyń 23-i kúngi kún raıy boljamyn jarııalady

ASTANA.KAZINFORM – «Qazgıdromet» RMK-sy mamyrdyń 23-i kúngi kún raıy boljamyn jarııalady.

Kásiporyn taratqan derekterge qaraǵanda, Qazaqstannyń basym bóligine soltústik-batys tsıklony áserin tıgizedi. Sonyń saldarynan jańbyr jaýyp, elimizdiń soltústiginde, soltústik-batysynda qatty jańbyr jaýady.

Respýblıka boıynsha naızaǵaı oınap, burshaq jaýady, daýyl turyp, jel kúsheıedi. QR ońtústiginde, ońtústik-shyǵysynda shańdy daýyl turady.

Mańǵystaý oblysynyń batysynda, Aqtóbe oblysynyń batysynda, soltústiginde, ońtústiginde, Túrkistan oblysynyń ońtústiginde, Qaraǵandy, Pavlodar oblystarynyń shyǵysynda, Qostanaı oblysynyń ońtústiginde, Jambyl oblysynyń soltústiginde, ońtústiginde, Atyraý oblysynyń batysynda, soltústiginde, shyǵysynda, Shyǵys Qazaqstan oblysynyń ońtústik batysynda, Almaty oblysynyń batysynda, ortalyǵynda, Abaı oblysynyń ońtústik shyǵysynda, Jetisý oblysynyń batysynda joǵary órt qaýipi saqtalady.

Qyzylorda oblysynda, Túrkistan oblysynyń soltústiginde, shóldi jáne taý bókteri aýdandarynda, Jambyl oblysynyń batysynda, shyǵysynda, Aqtóbe oblysynyń ońtústik shyǵysynda, Atyraý, Qostanaı oblystarynyń ońtústiginde, Almaty oblysynyń soltústiginde, batysynda Aqmola oblysynyń batysynda, Pavlodar oblysynyń batysynda, ońtústiginde, Shyǵys Qazaqstan oblysynyńda ońtústik shyǵysynda, Jetisý oblysynyń shyǵysynda, Abaı oblysynyń ońtústiginde, Ulytaý oblysynyń ońtústiginde, shyǵysynda, ortalyǵynda tótenshe órt qaýpi kútiledi.

Shyǵys Qazaqstan, Abaı oblystarynyń ońtústiginde 35 gradýs qatty ystyq kútiledi.

Osyǵan deıin «Qazgıdromet» RMK juma kúni birneshe óńirde naızaǵaı oınap, burshaq jaýyp, daýyl soǵatyny týraly habarlady.