Qazgıdromet qyzylǵa boıalǵan ózen sýyn 50-ge jýyq kórsetkish boıynsha tekserip jatyr
ALMATY. QazAqparat - «Qazgıdromet» RMK mamandary qyzyl túske boıalǵan Úlken Almaty ózeniniń sýyn 47 kórsetkish boıynsha tekserip jatyr, dep habarlaıdy QazAqparat tilshisi.
«Bizdiń mamandar Ekologııa departamentiniń ókilderimen birlese otyryp ózen sýynan synama aldy. Bul jospardan tys tekserý boldy. Negizinen sýdyń quramy 47 kórsetkish boıynsha tekseriledi. Atap aıtqanda, sýdyń temperatýrasy, aýyr metaldar tuzy, ottektik quramy, azottyq toby, nıtrattar, nıtrıtter, ammonıı tuzy, marganets, fosfor, karbonat, munaı qaldyqtary sııaqty zattar tekserilip jatyr. Bul zattar sýdyń qyzyl túske boıalýyna yqpal etýi múmkin», - dedi «Qazgıdromet» RMK Almaty bólimshesiniń hımııalyq taldaý bóliminiń basshysy Aıjan Núkenova.
Onyń aıtýynsha, taldaý nátıjeleri erteń daıyn bolady.
Aıta ketý kerek,Úlken Almaty ózeniniń qyzyl túske boıalǵany turǵyndardy tań qaldyrdy. Atalǵan vıdeo áleýmettik jeli arqyly tarap ketken bolatyn.
