Qazgıdromet qyzmetkerleriniń jalaqysy ósedi - Zúlfııa Súleımenova

ASTANA. QazAqparat – Bıyl «Qazgıdromet» respýblıkalyq memlekettik mekemesi qyzmetkerleriniń eńbekaqysy artady. Bul týraly Ekologııa jáne tabıǵı resýrstar mınıstri Zúlfııa Súleımenova málim etti, dep habarlaıdy QazAqparat tilshisi.

«Qazgıdromet» qyzmetkerleriniń jalaqysyn kóterý úshin qarajat bólýge qol jetkizdik. Bıyl olardyń jalaqysy 26-dan 111%-ǵa kóteriledi. Búgin Senat «Respýblıkalyq bıýdjetti túzetý týraly» Zańdy qabyldady. Onda «Qazgıdromet» qyzmetkerleriniń jalaqysyn kóterýge qarajat kózdelgen. Keıingi eki aı boıy atalǵan maqsat úshin kásiporyn bıýdjetin ulǵaıtý qajettiligin surap kelgen edik. Qoldaý kórsetkeni úshin barlyǵyna alǵys aıtam», - dep jazdy Zúlfııa Súleımenova Instagram paraqshasynda.

Sondaı-aq, mınıstr orman jáne balyq sharýashylyǵy qyzmetkerleriniń de jalaqysyn kóterý baǵytynda jumys júrip jatqanyn aıtty.

«Memleket basshysy zańǵa qol qoıǵannan keıin rásimdeý máselesin jedel júzege asyrýǵa kirisemiz. Sonymen qatar, qyzmetkerlerdiń jaǵdaıyn jaqsartý baǵytyndaǵy jumysty da jalǵastyramyz», - deıdi vedomstvo basshysy.