Qazgıdromet: Qyrkúıektiń 5-i kúngi kún raıy boljamy

NUR-SULTAN. QazAqparat – «Qazgıdromet» RMK-sy qyrkúıektiń 5-i kúngi kún raıy boljamyn jarııalady, dep habarlaıdy QazAqparat.

Kásiporynnyń boljamyna qaraǵanda, búgin atmosferalyq frontaldy bólikterdiń ótýine baılanysty elimizdiń batysynda, soltústiginde jáne ońtústik-shyǵys taýly aımaqtarynda naızaǵaı oınap, jańbyr jaýady.

Qazaqstannyń qalǵan bóliginde kún jaýyn-shashynsyz bolady. Respýblıkanyń batysy, soltústigi, ońtústigi men taýly aýdandarynda jel kúsheıip, ońtústikte shańdy daýyl turady.

Jambyl, Qyzylorda, Túrkistan, Aqtóbe, Almaty, Jetisý oblystarynyń basym bóliginde, Batys Qazaqstan, Abaı, Qostanaı oblystarynyń ońtústiginde, Qaraǵandy, Ulytaý oblystarynyń ońtústik-shyǵysynda tótenshe órt qaýpi saqtalady, al Abaı oblysynyń shyǵysynda tótenshe órt qaýpi kútiledi.

Qostanaı oblysynyń basym bóliginde órt qaýpi saqtalady.

Kúndiz Jetisý, Ulytaý, Qyzylorda oblystarynyń basym bóliginde, Qaraǵandy, Qostanaı oblystarynyń ońtústiginde, Almaty oblysynyń soltústiginde, ońtústiginde, Jambyl oblysynyń soltústiginde, ońtústiginde, batysynda, Aqtóbe oblysynyń ońtústiginde, shyǵysynda qatty ystyq saqtalady.