Qazgıdromet: Qyrkúıektiń 5-i kúngi aýa raıy boljamy
NUR-SULTAN. QazAqparat – Qyrkúıektiń 5-i kúni Qazaqstannyń basym bóligine soltústik-batys antıtsıklony áser etedi, osyǵan baılanysty aýa raıy jaýyn-shashynsyz bolady, dep habarlaıdy QazAqparat «Qazgıdromet» RMK-nyń málimetterine silteme jasap.
Kásiporyn taratqan málimetterge qaraǵanda, respýblıkanyń tek soltústiginde, shyǵysynda jáne ońtústik-shyǵysynda atmosferalyq frontaldy bólikterdiń ótýine baılanysty aýa raıy qubylmaly bolady.
Respýblıkanyń keıbir bólikterinde naızaǵaı oınap, jańbyr jaýsa, keı jerlerge tuman túsip, jel kúsheıedi, ońtústikte shańdy daýyl, ońtústik-shyǵysta daýyl turady, burshaq jaýýy da múmkin dep boljanyp otyr.
Jambyl oblysynyń keı jerlerinde tuman túsip, kúndiz daýyl turady, jel kúsheıip, jyldamdyǵy sekýndyna 15-20 metrge jetedi, burshaq jaýýy múmkin.
Túrkistan, Mańǵystaý, Shyǵys-Qazaqstan, tańerteń jáne kúndiz Qyzylorda, kúndiz Aqtobe oblystarynyń keı jerlerinde jel 15-20 m/s jyldamdyqpen soǵady. Túrkistan oblysynyń keı jerlerinde shańdy daýyl turyp, túnde Shyǵys Qazaqstan oblysynyń birqatar bóliginde tuman túsedi.
Aqmola, Pavlodar oblystarynyń keı jerlerine tuman túsedi.
Qostanaı, Soltústik Qazaqstan, Aqmola, Pavlodar oblystarynda, Qaraǵandy oblysynyń soltústiginde túnde keı jerlerinde 1-3 gradýs úsik júredi.
Atyraý, Qyzylorda oblystarynyń basym bóliginde, Túrkistan oblysynyń shyǵysynda, Batys Qazaqstan oblysynyń ońtústiginde, Qaraǵandy oblysynyń ońtústik-batysynda tótenshe órt qaýipi saqtalady.
