Qazgıdromet: Qyrkúıektiń 28-i kúngi aýa raıy boljamy
ASTANA. QazAqparat - «Qazgıdromet» RMK-sy qyrkúıektiń 28-ne arnalǵan aýa raıy boljamyn jarııa etti, dep habarlaıdy QazAqparat.
Kásiporyn málimetterine qaraǵanda, atmosferalyq frontaldy bólikter shyǵysqa bet ala otyryp, soltústik-batysqa, respýblıkanyń soltústigine yqpal etedi. Atalǵan aımaqtarda jaýyn jaýyp, kún kúrkireýi múmkin.
Qazaqstannyń ózge aımaqtarynda kún ashyq. Keı jerlerde jel kúsheıip, ońtústikte onyń arty shańdy daýylǵa ulasady. Túnde jáne kúndiz eldiń birqatar aýmaqtarynda tuman túsedi.
Aqmola, Soltústik Qazaqstan oblysynda jel kúsheıip, jyldamdyǵy sekýndyna 15-20 metrge jetedi, kúndiz eldiń basym bóliginde jeldiń kúshi sekýndyna 15-20 metr bolyp ekpini, 23-28 metrge jetedi.
Almaty oblysynda, Jalańashkól aýdanynda jeldiń jyldamdyǵy 18-23 m/s bolady.
Jambyl, Túrkistan, Batys Qazaqstan, Qostanaı, Qaraǵandy, kúndiz Pavlodar, Aqtóbe oblystarynyń birqatar jerlerinde jeldiń jyldamdyǵy sekýndyna 15-20 metrge jetedi. Pavlodar, Aqtóbe oblystarynda tuman túsedi.
Mańǵystaý, Atyraý, Shyǵys Qazaqstan oblystarynyń birqatar aýmaqtarynda da tuman túsedi.
Qyzylorda oblysynyń keı jerlerinde kúndiz jyldamdyǵy sekýndyna 15-20 metr bolatyn jel soǵyp, arty shańdy daýylǵa ulasady.
Túrkistan oblysynda jáne Jambyl, Qyzylorda, Atyraý, Aqtóbe, Qaraǵandy, Almaty oblystarynyń kıe jerlerinde órt qaýpi saqtalady.
