Qazgıdromet: Qyrkúıektiń 26-sy kúngi aýa raıy boljamy
NUR-SULTAN. QazAqparat – «Qazgıdromet» RMK-sy 26 qyrkúıek kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, r espýblıkanyń shyǵysy men ortalyǵynda atmosferalyq aǵyndardyń ótýine baılanysty kún raıy qubylmaly bolady.
Respýblıkanyń keı jerlerinde jaýyn-shashyn, tuman bolyp, jel kúsheıedi. Ońtústikte shańdy daýyl turady.
Túrkistan, Qyzylorda oblystarynyń keı jerlerinde jel 15-28 m/s jyldamdyqpen uıtqyp, shańdy daýyl turady. Jambyl, Atyraý oblystarynyń keı jerlerinde jeldiń jyldamdyǵy sekýndyna 15-20 metrge jetedi.
Qostanaı, Aqmola, Soltústik Qazaqstan, Pavlodar oblystaranyń keı jerlerinde tuman túsedi.
Shyǵys Qazaqstan, Qaraǵandy oblystarynyń keı jerlerinde tuman túsip, jel 15-20 m/s jyldamdyqpen soǵady.
Qyzylorda oblysynyń keı jerlerinde topyraq betinde 1-3 gradýs úsik júredi.
Qyzylorda oblysynyń basym bóliginde, Túrkistan, Qaraǵandy, Aqtóbe, Jambyl oblystarynyń keı jerlerinde tótenshe órt qaýpi saqtalady.
