Qazgıdromet: Qyrkúıektiń 21-i kúngi aýa raıy boljamy
NUR-SULTAN. QazAqparat - Qazaqstannyń batys jáne soltústik bólikterinen tsıklon jyrasynyń jáne sonymen baılanysqan atmosferanyń frontaldi bólikterinyń ótýine baılanysty eldiń basym bóliginde naızaǵaı oınap, jańbyr jaýady, dep habarlaıdy QazAqparat «Qazgıdromet» RMK-nyń málimetterine súıene otyryp.
Elimizdiń soltústik-batysynyń keıbir jerlerinde mol kólemde jańbyr jaýady. Respýblıkanyń qalǵan bólikterinde jaýyn-shashynsyz aýa raıy kútiledi. Keı jerlerinde jel kúsheıip, tuman túsedi.
Mańǵystaý, kúndiz Aqmola, Qostanaı, Soltústik Qazaqstan, Aqtóbe, Atyraý, Qyzylorda, Jambyl oblystarynyń keı jerlerinde jeldiń jyldamdyǵy sekýndyna 15-20 metrge jetedi.
Qostanaı, Qaraǵandy, Batys Qazaqstan oblystarynyń keı jerlerinde tuman túsedi.
Aqmola, Qostanaı, Soltústik Qazaqstan, Qaraǵandy oblystarynyń birqatar aýmaqtarynda túnde 1-3 gradýs úsik júrýi yqtımal.
Qyzylorda, Túrkistan oblystarynda, Jambyl, Karaǵandy, Batys Qazaqstan, Atyraý, Aqtóbe oblystarynyń keı jerlerinde, Shyǵys Qazaqstan oblysynyń jekelegen aýdanynda órt qaýpi saqtalady.
