Qazgıdromet: Qyrkúıektiń 14-i kúngi aýa raıy boljamy
NUR-SULTAN. QazAqparat – «Qazgıdromet» RMK-sy qyrkúıektiń 14-i kúngi aýa raıy boljamyn jarııalady, dep habarlaıdy QazAqparat.
Kásiporyn taratqan derekterge qaraǵanda, respýblıkanyń basym bóliginde antıtsıklonnyń áserinen kún jaýyn-shashynsyz bolady. QR soltústiginde, soltústik-batysynda jáne ońtústik-batysynda atmosferalyq frontaldy bólikterdiń áserinen jańbyr jaýady, soltústik-batysta naızaǵaı oınaıdy.
Respýblıkanyń batysynda, soltústiginde, shyǵysynda tuman, soltústiginde, soltústik-batysynda, ońtústik-shyǵysynda, ońtústik-batysynda jel kúsheıedi.
Soltústik Qazaqstan oblysynyń soltústik-batysynda túnde jáne tańerteń tuman túsedi, kúndiz oblystyń ońtústiginde jeldiń kúsheıip, jyldamdyǵy sekýndyna 15-20 metrge deıin barady.
Pavlodar oblysynyń ońtústiginde túnde tuman túsip, kúndiz shyǵysynda, ońtústiginde jel sekýndyna 18 m/s jyldamdyqpen soǵady.
Tańerteń jáne kúndiz Qostanaı oblysynda naızaǵaı oınap, kúndiz oblystyń soltústiginde jel 15-20 m/s jyldamdyqpen soǵady.
Kúndiz Mańǵystaý oblysynyń ońtústik-shyǵysynda jel 15-20 m/s jyldamdyqpen soǵyp, shańdy daýyl turady.
Tańerteń jáne kúndiz Aqmola oblysynyń soltústiginde jáne batysynda jel 15-20 m/s jyldamdyqpen esedi.
Jambyl oblysynyń soltústik-shyǵysynda, ońtústik-batysynda jel 15-20 m/s jyldamdyqpen soǵady.
Atyraý oblysynyń batysynda, ortalyǵynda tuman túsedi. Túnde Shyǵys Qazaqstan oblysynyń soltústiginde tuman túsedi.
Túnde Pavlodar oblysynyń ońtústiginde, Qaraǵandy oblysynyń soltústik-shyǵysynda, Shyǵys Qazaqstan oblysynyń batysynda, soltústiginde, soltústik-shyǵysynda 3 gradýs úsik júredi.
Mańǵystaý, Túrkistan oblystarynda, Almaty, Jambyl, Qyzylorda, Atyraý, Aqtóbe oblystarynyń basym bóliginde, Qostanaı, Qaraǵandy oblystarynyń ońtústik-batysynda, batysynda, Batys Qazaqstan oblysynyń soltústik-shyǵysynda, Shyǵys Qazaqstan oblysynyń ońtústiginde tótenshe órt qaýipi saqtalady.
