«Qazgıdromet» qostanaılyq júrgizýshilerdi jolda abaı bolýǵa shaqyrady
QOSTANAI. QazAqparat - 16 qarasha kúni Qostanaıdyń keı óńirlerin qalyń tuman basady. Bul týraly QazAqparat tilshisi «Qazgıdromet» RMK oblystyq fılıalynyń ınjener-sınoptıgi Raısa Markevıchke silteme jasap habarlaıdy.
«Erteń keı jerlerde jaýyn-shashyn, kóktaıǵaq bolady, qalyń tuman túsedi. Jyldamdyǵy sekýndyna 9-14, keı jerlerde 15-20 metrge jetetin qatty jel kútilýde. Túnde aýa temperatýrasy -3, keı óńirlerde -6 gradýsqa deıin tómendeıdi», - dedi Raısa Markevıch.
«Qazgıdromet» mamandary qostanaılyq kólik júrgizýshilerin abaı bolýǵa shaqyrady.
Eske salaıyq, búgin Qostanaıda aýa raıyna baılanysty eskertý jarııalandy.
Qubylmaly aýa raıy saldarynan jedel járdem qyzmetine júgingen turǵyndar da kóbeıgen. Bir kúnniń ishinde 302 shaqyrtý tússe, onyń ishinde 69 balaǵa kómek kórsetildi. Barlyǵy 17 brıgada alǵashqy medıtsınalyq járdem usynǵan.
