Qazgıdromet kóktemgi egis egý naýqanynyń boljamdy merzimin usyndy

NUR-SULTAN. QazAqparat - Boljam boıynsha, sáýir aıynda respýblıkanyń soltústiginde, batysynda jáne ortalyǵynda temperatýra joǵary bolady dep kútilýde. Bul egistikterde qardyń belsendi erýine yqpal etedi jáne topyraqtyń qunarly qabatynyń kebýine ákelýi múmkin, dep habarlaıdy QazAqparat «Qazgıdromet» RMK baspasóz qyzmetine silteme jasap.

Osyǵan baılanysty jazdyq dándi daqyldardy sebýdiń ońtaıly merzimi kelesideı boljanýda: Qostanaı, Aqmola, Pavlodar, Soltústik Qazaqstan oblystarynda mamyrdyń birinshi jáne ekinshi onkúndiginde; Qaraǵandy ​​jáne Shyǵys Qazaqstan oblystarynda mamyrdyń birinshi jáne ekinshi onkúndiginde, Shyǵys Qazaqstan oblysynyń Úrjar aýdanynda sáýirdiń aıaǵynda, ońtústik oblystarda naýryzdyń ortasy men sáýirdiń basynda, taý bókterinde mamyrdyń basynda.