Qazgıdromet: Qazaqstanyń 4 oblysynda 1-3 gradýs úsik júredi
NUR-SULTAN. QazAqparat – «Qazgıdromet» RMK-sy qazannyń 11-i kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, Qazaqstannyń basym bóligi áli de antıtsıklonnyń yqpalynda bolǵandyqtan, kún jaýyn-shashynsyz bolady. Tek Qazaqstannyń soltústiginde, ortalyǵynda jáne ońtústik-shyǵysynda atmosferalyq aǵynardyń ótýine baılanysty jaýyn-shashyn jańbyr jáne qar jaýýy yqtımal.
Respýblıkanyń keı jerlerinde tuman túsip, jel kúsheıedi. Eldiń shyǵysynda kóktaıǵaq bolyp, ońtústik-batysynda shańdy daýyl kóteriledi.
Shyǵys Qazaqstan oblysynyń keı jerlerinde kóktaıǵaq bolyp, tuman túsedi, kúndiz jel 15-20 m/s jyldamdyqpen esedi.
Aqmola, Túrkistan, Jambyl, Mańǵystaý oblystarynyń keı jerlerinde jel 15-20 m/s jyldamdyqpen soǵady.
Mańǵystaý oblysynda shańdy daýyl turyp, Jambyl oblysynda tuman túsedi.
Pavlodar oblysynda, túnde jáne tańerteń Almaty, Soltústik-Kazahstan, Qaraǵandy oblystarynyń keı jerlerinde tuman túsedi.
Almaty, Jambyl, Túrkistan, Qyzylorda oblystarynyń keı jerlerinde túnde 1-3 gradýs úsik júredi.
