Qazgıdromet: Qazaqstannyń soltústiginde jeldiń jyldamdyǵy sekýndyna 30 metrge jetedi
ASTANA. QazAqparat - Qazaqstannyń soltústiginde jel jyldamdyǵy sekýndyna 30 metrge jetetindi dep kútilýde, dep habarlaıdy QazAqparat.
«Qazaqstannyń soltústik bóliginde, onyń ishinde SQO, Pavlodar, Aqmola, Qaraǵandy jáne Shyǵys Qazaqstan oblystarynda daýyl soǵatyndyǵy eskertildi. Jeldiń jyldamdyǵy sekýndyna 18-23 metrge deıin, keı jerlerde 30 metrge jetedi. Qaraǵandy, Aqmola, Pavlodar oblystarynda jel jyldamdyǵy sekýndyna 20 metrge bolmaq. 12 qańtar kúni kúndiz jel basylyp, temperatýranyń aıtarlyqtaı tómendeıtindigi kútiledi», - dedi Qazgıdromettiń jeteshki ınjeneri Móldir Esqalıeva BAQ ókilderine bergen suhbatynda.
Onyń aıtýynsha, aýa raıynyń nasharlaýyna tsıklon áser etken.
«Atlantıka aýdanyna kelgen qarqyndy ári dymqyl tsıklon Qazaqstannyń basym oblystaryndaǵy aýa raıyn nasharlatty. Tsıklonmen birge qar qalyń túsip, eldiń basym oblystarynda ońtústik-shyǵystan soqqan jel kúsheıdi», - dep atap ótti Esqalıeva.
Qazgıdromet ókiliniń dereginshe, elimizdiń soltústiginde aýa temperatýrasy keı jerde -35 gradýsqa deıin tómendeıdi.
«Batysta da temperatýra tómendeıdi dep kútilýde, termometr baǵany -22, -25, BQO-nyń keı jerlerinde -30 gradýs aıaz bolady. Eldiń ońtústiginde de turaqsyz aýa raıy kútilip otyr, keı jerlerde qar jaýyp, kóktaıǵaq bolady», - dedi ol.
