Qazgıdromet: Qazaqstannyń eki oblysynda úsik júredi
NUR-SULTAN. QazAqparat – «Qazgıdromet» RMK-sy qazannyń 13-i kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, Qazaqstannyń basym bóligi áli de antıtsıklonnyń yqpalynda. Sol sebepti kún jaýyn-shashynsyz bolady. Tek Qazaqstannyń soltústik-shyǵysynda jáne shyǵysynda atmosferalyq aǵyndardyń ótýine baılanysty keı jerlerde jaýyn-shashyn (jańbyr, qar) bolady.
Respýblıkanyń birqatar óńirinde jel kúsheıip, soltústiginde jáne shyǵysynda tuman túsedi.
Shyǵys Qazaqstan oblysynyń keı jerlerinde tuman túsip, kúndiz jel 15-20 m/s jyldamdyqpen esedi.
Jambyl oblysynda tańerteń jáne kúndiz, Túrkistan oblysynda kúndiz jeldiń jyldamdyǵy sekýndyna 15-20 metrge deıin kúsheıedi.
Mańǵystaý oblysynyń batysynda jel 15-20 m/s jyldamdyqpen soǵady.
Pavlodar, Soltústik Qazaqstan oblystarynyń keı jerlerinde tuman túsedi.
Almaty, Jambyl oblystarynyń keı jerlerinde túnde 3 gradýs úsik júredi.
