Qazgıdromet: Qazaqstannyń batysy men soltústiginde erteń aýa raıy jaýyn-shashynsyz bolmaq
ASTANA. 12 qyrkúıek. QazAqparat - Erteń ótken kúnderdegideı Qazaqstan aýmaǵynyń kóp bóliginde qubylmaly aýa raıy saqtalady, keı jerlerde kún kúrkirep, jańbyr jaýady, jel kúsheıedi.
Bul týraly QR TJM-niń resmı portalynda «Qazgıdromet» memlekettik kásipornynyń málimetterine silteme jasaı otyryp jazylǵan.
Eldiń batysy men soltústiginde jaýyn-shashyn bolmaıdy degen boljam bar, jekelegen aýdandarda tuman bolýy yqtımal.
Jambyl, Ońtústik Qazaqstan, Qaraǵandy oblystarynyń keı jerlerinde jel sekýndyna 15-20 metrge deıin kúsheıedi.
Qostanaı, Shyǵys Qazaqstan oblystarynynyń keıbir jerlerinde túnde jáne kúndizgi ýaqyttarda tuman túsýi yqtımal, kúndiz keı jerlerde jeldiń ekpini sekýndyna 15-20 metrge deıin kúsheıedi dep kútilýde.
Atyraý oblysynda, túnde jáne tańerteń Aqmola, Soltústik Qazaqstan oblystarynda keı jerlerde tuman túsýi yqtımal.
Eldiń ońtústiginde, ońtústik-shyǵysynda, ortalyǵynyń keı jerlerinde jáne soltústik-batysta joǵary órt qaýpi saqtalady.
Sonymen qatar, «Qazgıdromet» respýblıkanyń ońtústigi men shyǵysyndaǵy taýly ózenderde aldaǵy kúnderi ylǵaldylyqtyń aýytqýy baıqalatyndyǵyn habarlaıdy. Qazaqstannyń basqa sý nysandarynda gıdrologııalyq rejımde aıtarlyqtaı ózgerister kútilmeıdi.
