Qazgıdromet: Qazaqstannyń basym bóliginde jel kúsheıip, jaýyn jaýady
NUR-SULTAN. QazAqparat - Mamyrdyń 17-si kúni Qazaqstan aýmaǵynan atmosferalyq aǵymdardyń ótýine baılanysty keı jerlerde jaýyn jaýady, dep habarlaıdy QazAqparat «Qazgıdromet» RMK-na silteme jasap.
Kásiporyn málimetterine qaraǵanda, eldiń otústik shyǵysyna, ortalyqta jáne shyǵysta aýa raıy jaýyn-shashynsyz bolady. Degenmen respýblıkanyń keı jerlerinde jel kúsheıip, naızaǵaı jarqyrap, tuman túsýi, burshaq jaýýy yqtımal. Ońtústiktiń keı jerlerinde shańdy daýyl kóterilip, soltústikte - daýyl soǵady.
Qostanaı oblysynyń keı jerlerinde tuman túsýi yqtımal. Túnde respýblıkanyń keı jerlerinde, kúndiz basym bóliginde jeldiń jyldamdyǵy sekýndyna 15-20 metrge deıin kúsheıedi.
Kúndiz Soltústik Qazaqstan oblysynyń birqatar aımaqtarynda jel kúsheıedi, basym bóliginde jeldiń jyldamdyǵy sekýndyna 15-20 metrge jetip, keı jerlerinde ekpini 23-28 m/s-qa deıin kúsheıedi. Keı jerlerde burshaq jaýýy múmkin.
Qyzylorda oblysynyń aımaqtarynda shańdy daýyl kóteriledi, jeldiń jyldamdyǵy sekýndyna 15-20 metrge jetip, ekpini 23-28 m/s bolady. Burshaq jaýýy múmkin.
Jambyl oblysyndp jel sekýndyna 15-20 metr jyldamdyqpen uıtqıdy, tańerteń jáne kúndiz ekpini 23 m/s-ke deıin kúsheıedi.
Batys Qazaqstan oblysynyń keı jerlerinde jel 15-20 m/s kúsheııýi kútiledi, burshaq jaýýy múmkin.
Atyraý oblysynyń birqatar aýmaqtarynda túnde jáne tańerteń tuman túsip, kúndiz jeldiń jyldamdyǵy sekýndyna 15-20 metrge deıin kúsheıedi.
Almaty, Túrkistan, kúndiz Aqmola oblystarynyń keı jerlerinde jel 15-20 m/s jyldamdyqpen uıtqıdy.
Mańǵystaý, túnde Pavlodar, túnde jáne tańerteń Shyǵys Qazaqstan oblystarynda tuman túsedi.
Pavlodar, Qaraǵanda, Shyǵys Qazaqstan oblystarynda 1-8 gradýs aralyǵynda úsik júredi.
Aqmola, Almaty oblystarynyń keı jerlerinde úsik -3 gradýsqa deıin saqtalady.
Qyzylorda oblysynda órt qaýipi óte joǵary deńgeıde bolady.
