Qazgıdromet: Qazaqstannyń basym bóliginde qar jaýady
NUR-SULTAN. QazAqparat – Jeltoqsannyń 31-i kúni Qazaqstannyń basym bóliginde aýa raıy qubylmaly bolady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, 31-jeltoqsan kúni elimizdiń basym bóliginde jaýyn-shashyn bolyp, soltústikte qar jaýady. Keı jerlerde tuman, kóktaıǵaq, burqasyn bolyp, jel kúsheıedi.
Shyǵys Qazaqstan oblysynyń keı jerlerinde tuman, burqasyn, joldarda kóktaıǵaq bolady. Sondaı-aq jel sekýndyna 15-20 jyldamdyqpen uıtqyp, ekpini 25 m/s bolady.
Túrkistan, Qyzylorda, Mańǵystaý oblystarynyń birqatar aýmaqtarynda tuman túsip, kóktaıǵaq bolady.
Aqmola, Batys Qazaqstan oblystarynyń keı jerlerinde tuman túsip, kúndiz burqasyn bolýy yqtımal. Jeldiń kúshi sekýndyna 15-20 metrge jetedi.
Batys Qazaqstan oblysynyń keı jerlerinde kúndiz kóktaıǵaq bolýy yqtımal.
Jambyl, Atyraý, Aqtóbe oblystarynyń keı jerlerińde tuman túsip, kóktaıǵaq bolady. Kúndiz birqatar aýmaqtarda jel 15-20 m/s jyldamdyqpen uıtqıdy.
Almaty oblysynyń keı jerlerińde tuman, kóktaıǵaq bolyp, túnde jekelegen aýdandarda jeldiń jyldamdyǵy 18-23 m/s-qa jetedi.
Soltústik Qazaqstan, Qaraǵandy, Qostanaı oblystarynyń keı jerlerinde burqasyn bolyp, kúndiz jel 15-20 m/s jyldamdyqpen soǵady.
Soltústik Qazaqstan oblysynda jeldiń ekpini 23 m/s bolady.
Qaraǵandy oblysynyń keı jerlerińde tuman, kóktaıǵaq bolýy yqtımal.
