Qazgıdromet: Qazaqstannyń basym bóliginde aýa raıy jaýyn-shashynsyz bolady
ASTANA. 17 qazan. QazAqparat - Qazaqstannyń basym bóliginde aýa raıy jaýyn-shashynsyz bolady dep kútilýde, tek respýblıkanyń batysynda, soltústik-batysynda jáne soltústiginde atmosferalyq aǵyndardyń ótýine baılanysty keı jerlerde jaýyn-shashyn bolady, jel kúsheıedi. Bul týraly «Qazgıdrometke» silteme jasap, QR TJM baspasóz qyzmeti habarlady.
Almaty oblysynyń Jalańashkól aýdanynda jel 18-23 m/s-qa deıin kúsheıedi, kúndiz jel ekpini 28 m/s bolady. Aqmola, Jambyl, Qostanaı, Soltústik Qazaqstan oblystarynda, kúndiz Ońtústik Qazaqstan, Atyraý, Batys Qazaqstan, Shyǵys Qazaqstan oblystarynda keı jerlerde jel 15-20 m/s-qa deıin kúsheıedi.
Respýblıkanyń ońtústiginde, ońtústik-shyǵysynyń keı jerlerde jáne ortalyǵynda joǵary órt qaýpi saqtalady.
Jaqyn táýlikterde Batys Altaıdyń jekelegen ózenderinde (Buqtyrma, Oba jáne basqa) sý deńgeıiniń kóterilýi baıqalady.
Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister kútilmeıdi.
