«Qazgıdromet» Qazaqstannyń 8 oblysynda kún raıyna baılanysty eskertý jarııalady
NUR-SULTAN. QazAqparat - 25-27 qyrkúıek kúnderi elimizdiń birqatar oblysynda qatty jel soǵady, dep habarlaıdy QazAqparat Qazgıdrometke silteme jasap.
25-27 qyrkúıekte Jambyl oblysynda soltústik-shyǵystan soǵatyn jeldiń baǵyty ońtústik-batysqa aýysady, oblystyń soltústik-shyǵysynda jáne ońtústik-batysynda kúshi 15-20 m/s, 27 qyrkúıekte túnde jáne tańerteń ekpini 23-28 m/s jel kútiledi. 25 qyrkúıekte túnde taýly jáne taý bókteri aýdandarynda 1-3 gradýs úsik saqtalady. Taraz qalasynda 27 qyrkúıekte túnde jáne tańerteń 25 m/s jel kútiledi.
25 qyrkúıekte Qaraǵandy oblysynda shyǵystan, ońtústik-shyǵystan jel soǵady, kúndiz oblystyń ońtústiginde jáne batysynda ekpini 15-20 m/s jel kútiledi. Oblystyń batysynda jáne ońtústiginde tótenshe órt qaýpi saqtalady.
25 qyrkúıekte Qyzylorda oblysynyń ortalyǵynda shańdy daýyl kútiledi. Jel ońtústik-shyǵystan soǵady, kúshi túnde oblystyń ortalyǵynda, kúndiz oblystyń basym bóliginde 15-20 m/s bolady. Tótenshe órt qaýpi saqtalady.
25 qyrkúıekte túnde jáne tańerteń Aqmola oblysynyń shyǵysynda tuman kútiledi.
25 qyrkúıekte Túrkistan oblysynyń taýly aýdandarynda jáne batysynda shyǵystan jel soǵady, kúshi – 15-20 m/s. Oblystyń basym bóliginde tótenshe órt qaýipi saqtalady.
25 qyrkúıekte Aqtóbe oblysynda ońtústik-shyǵystan jel soǵady, túnde oblystyń batysynda, kúndiz oblystyń basym bóliginde ekpini 15-20 m/s jel kútiledi. Aqtóbe qalasynda 25 qyrkúıekte soǵatyn jel ekpini 16 m/s bolmaq.
25 qyrkúıekte túnde Almaty oblysynyń soltústiginde, taýly aýdandarda, taý bókterinde 1-3 °S úsik saqtalady. Taldyqorǵan qalasynda 25 qyrkúıek kúni túnde 1-3 °S úsik kútiledi.
25 qyrkúıekte Atyraý oblysynda soltústik-batystan jel soǵady, oblystyń soltústiginde jáne shyǵysynda jel ekpini 15-20 m/s bolmaq.
