Qazgıdromet: Qazaqstannyń 3 óńirinde burshaq jaýýy múmkin - 28 maýsymǵa arnalǵan aýa raıy boljamy
ASTANA. 27 maýsym. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 28 maýsymda Qazaqstannyń basym aýmaǵynda aýa raıynyń turaqsyzdyǵy saqtalady.
Atmosferalyq aǵymdardyń ótýine baılanysty jańbyr jaýyp, keı jerlerde nóserletedi dep kútilýde. Sondaı-aq ekpindi jel soǵyp, burshaq jaýýy yqtımal.
Aqmola, Jambyl oblystarynyń jekelegen jerlerinde 15-20 m/s jydamdyqpen jel soǵady, burshaq jaýýy yqtımal, Aqmola oblysynda túnde jáne tańerteń tuman bolady.
Qaraǵandy oblysynda - keı jerlerde 15-20 m/s jyldamdyqpen jel soǵyp, burshaq jaýýy múmkin.
Ońtústik Qazaqstan, Atyraý, Batys Qazaqstan, túnde Qyzylorda oblysynda, kúndiz Pavlodar oblystarynda jeldiń ekpini 15-20 m/s-qa jetedi dep kútilýde.
Soltústik Qazaqstan, Qostanaı oblystarynda túnde keı jerlerde tuman bolady. Kúndiz jeldiń ekpini 15-20 m/s-qa jetedi.
Almaty oblysynyń keı jerlerinde, Qyzylorda, Atyraý, Aqtóbe, Ońtústik Qazaqstan oblystarynda tótenshe joǵary órt qaýip saqtalady.
Pavlodar, Atyraý, Batys Qazaqstan, jekelegen jerlerde Almaty, Jambyl, Aqtóbe oblystarynda kún qatty ysıdy.
Aldaǵy táýlikterde respýblıkanyń ońtústik, ońtústik-shyǵys jáne shyǵysynda sý deńgeıiniń aýytqýshylyǵy baıqalady.
