«Qazgıdromet» Qazaqstannyń 11 oblysynda kún raıyna baılanysty eskertý jarııalady

Kásiporyn taratqan málimetterge qaraǵanda, 3 qańtarda kúndiz Mańǵystaý oblysynyń basym bóliginde jaýynǵ qar jaýady. Túnde oblystyń batysynda, soltústik-shyǵysynda, kúndiz oblystyń basym bóliginde kóktaıǵaq bolady. Túnde jáne tańerteń oblystyń soltústik-batysynda jáne ortalyǵynda tuman túsedi. Soltústik-batystan jel soǵady, kúndiz oblystyń batysynda, soltústiginde jeldiń jyldamdyǵy sekýelyna 15-20 m/s-qa jetedi.

Aqtaýda 3 qańtarda kóktaıǵaq bolady. Soltústik-batystan jel soǵyp, kúndiz ekpini 15-18 m/s-qa jetedi.

Kúndiz 3 qańtarda Aqmola oblysynyń batysynda, ońtústiginde, tuman túsip, kóktaıǵaq bolady. Ońtústikten, ońtústik-batystan jel soǵady, oblystyń soltústiginde ekpini 15-20 m/s bolady.

3 qańtarda Qyzylorda oblysynyń soltústiginde kóktaıǵaq bolyp, ortalyǵynda tuman túsedi. Qyzylordada 3 qańtarda keı ýaqytta tuman túsedi.

3 qańtarda Atyraý oblysynyń batysynda, soltústiginde jaıaý burqasyn soǵyp, kóktaıǵaq bolady, ońtústiginde tuman túsedi. Jel ońtústikten soltústik-batysqa aýysady, oblystyń batysynda, soltústiginde ekpini 15-20 m/s bolady.

3 qańtarda Qostanaı oblysynyń batysynda, soltústiginde jaıaý burqasyn soǵady. Kúndiz oblystyń ońtústiginde tuman túsip, kóktaıǵaq bolady. Ońtústik-batystan, ońtústikten jel soǵady, jyldamdyǵy oblystyń batysynda, soltústiginde 15-20 m/s-qa jetedi.

Qostanaıda tańerteń jáne kúndiz jaıaý burqasyn soǵady. Ońtústik-batystan, ońtústikten jel soǵady ekpini 15-20 m/s.

3 qańtarda túnde Aqtóbe oblysynyń batysynda, soltústik-batysynda jaıaý burqasyn bolady.

3-5 qańtarda Jambyl oblysynyń soltústiginde, taýly jáne taý bókterli aýdandarynda tuman túsip, kóktaıǵaq bolady. Ońtústik-batystan soǵatyn jel ońtústik-shyǵys jeline aýysady, oblystyń ońtústik-batysynda jáne taýly aýdandarynda jyldamdyǵy 15-20 m/s-ke jetedi.

Tarazda 3-5 qańtarda tuman túsip, 5 qańtarda kóktaıǵaq bolady.

3 qańtarda túnde Túrkistan oblysynyń soltústiginde tuman kútiledi.

Túnde 3 qańtarda Batys Qazaqstan oblysynyń shyǵysynda, ońtústik-shyǵysynda kóktaıǵaq bolyp, jaıaý burqasyn soǵady. Jel batystan, soltústik-batystan soǵady, oblystyń soltústiginde, soltústik-shyǵysynda ekpini 15-20 m/s.

Oralda 3 qańtarda jel batystan, soltústik-batystan soǵady, túnde ekpini 15-20 m/s bolady.

3 qańtarda Qaraǵandy oblysynyń ońtústiginde tuman túsip, kóktaıǵaq bolady.

Jezqazǵanda 3 qańtarda tuman túsip, kúndiz kóktaıǵaq bolady.

Kúndiz 3 qańtarda Soltústik Qazaqstan oblysynyń basym bóliginde jaýyn-shashyn (kóbinese qar) bolady.

Oblystyń batysynda, soltústiginde jaıaý burqasyn soǵyp, tuman, kóktaıǵaq bolady. Ońtústik-batystan jel soǵady, oblystyń batysynda ekpini 15-20 m/s kútiledi.