Qazgıdromet: Qarashanyń 6-sy kúngi aýa raıy boljamy
NUR-SULTAN. QazAqparat – «Qazgıdromet» RMK-sy qarashanyń 6-sy kungi aýa raıy boljamyn jarııalady, dep habarlaıdy QazAqparat.
Qarashanyń 6-sy kúni Qazaqstannyń basym bóligine antıtsıklon áser etip jatqandyqtan, kún áli de bolsa jaýyn-shashynsyz bolady. Tek, elimizdiń soltústigi, batysy jáne ońtústik-batysynda tsıklon jyrasynyń áserinen keı jerlerde jaýyn jaýady.
Respýblıkanyń keı jerlerinde tuman túsip, jel kúsheıip, soltústiginde kóktaıǵaq bolady.
Qostanaı, Soltústik Qazaqstan oblystarynyń keı jerlerinde tuman túsip, kóktaıǵaq bolyp, kúndiz jel sekýdyna 15-20 metrge deıin kúsheıedi.
Shyǵys Qazaqstan, Pavlodar oblystarynyń túnde jáne tańerteń keı jerlerinde tuman túsip, Pavlodar oblysynyń keı jerlerinde kóktaıǵaq bolady.
Aqmola, túnde Jambyl oblystarynyń keı jerlerinde jel sekýndyna 15-20 metr jyldamdyqpen esedi.
Almaty oblysynyń kúndiz Jalańashkól aýdanynda jel 15-20 m/s-qa deıin kúsheıedi.
Batys Qazaqstan, túnde Aqtóbe oblystarynyń keı jerlerinde, Atyraý oblysynyń batysynda tuman túsedi.
