Qazgıdromet: Qarashanyń 5-si kúngi aýa raıy boljamy
NUR-SULTAN. QazAqparat – «Qazgıdromet» RMK-sy qarashanyń 5-si kúngi aýa raıy boljamyn jarııa etti, dep habarlaıdy QazAqparat.
Kásiporyn taratqan málimetterge qaraǵanda, Qazaqstannyń basym bóliginde antıtsıklonnyń áserinen kún jaýyn-shashynsyz bolady.
Tek, elimizdiń batysy, soltústigi jáne shyǵysynda ǵana atmosferalyq frontaldy bólikterdiń áserinen keı jerlerde jaýyn-shashyn bolyp, birqatar aımaqta qar aralas jańbyr jaýady. Respýblıkanyń keı jerlerinde tuman túsip, jel kúsheıip, soltústik-shyǵysta kóktaıǵaq bolady.
Pavlodar oblysynyń keı jerlerinde tuman túsip, jel sekýndyna 18 metr jyldamdyqpen uıtqıdy, kóktaıǵaq bolady.
Aqmola, Atyraý, Qostanaı, Qaraǵandy oblystarynyń, túnde jáne tańerteń Aqtóbe oblysynyń keı jerlerinde tuman túsýi yqtımal.
Shyǵys Qazaqstan, Jambyl, Soltústik Qazaqstan oblystarynyń keı jerlerinde tuman túsip, jel sekýndyna 15-20 metr jyldamdyqpen soǵady.
Túrkistan oblysynyń keı jerlerinde jeldiń jyldamdyǵy sekýndyna 15-20 metrge jetedi.
