Qazgıdromet: Qarashanyń 20-y kúngi aýa raıy boljamy
NUR-SULTAN. QazAqparat – Qazaqstannyń basym bóliginde búgin aýa raıy qubylmaly bolady, dep habarlaıdy QazAqparat «Qazgıdromet» RMK málimetterine súıene otyryp.
Kásiporyn taratqan málimetterge qaraǵanda, 20 qarasha kúni respýblıkanyń basym bóliginde aýa raıy qubylmaly bolady. Keı jerlerde jaýyn-shashyn (kóbinese qar) jaýyp, jel kúsheıse, endigi bir aýmaqtarda burqasyn bolyp, tuman túsedi, kóktaıǵaq bolýy yqtımal.
Jambyl, Qyzylorda oblystarynyń birqatar aýmaqtarynda kóktaıǵaq bolady, tuman túsip, burqasyn bolady. Jeldiń jyldamdyǵy sekýndyna 15-20 metrge jetedi. Qyzylorda oblysynda kúndiz jeldiń ekpini 23 m/s-ke deıin kúsheıedi.
Túrkistan oblysynyń keı jerlerinde jel 15-20 m/s jyldamdyqpen uıtqıdy, tuman túsip, kóktaıǵaq bolady.
Aqtóbe oblysynyń keı jerlerinde tuman túsip, jeldiń jyldamdyǵy sekýndyna 15-20 m/s-qa jetedi, túnde – kóktaıǵaq bolyp, jaıaý burqasyn soǵady.
Almaty, Atyraý oblystarynyń birqatar aýmaqtarynda tuman túsip, kóktaıǵaq bolady, kúndiz jeldiń jaldamdyǵy sekýndyna 15-20 metrge jetedi. Atyraý oblysynyń keı bólikterinde burqasyn kútiledi.
Mańǵystaý, Qaraǵandy, Shyǵys Qazaqstan oblystarynyń keı jerlerinde tuman túsip, kóktaıǵaq bolady.
Qaraǵandy, Shyǵys Qazaqstan oblystarynyń birqatar aımaqtarynda burqasyn bolady.
Aqmola oblysynyń keı jerlerinde jaıaý burqasyn kútiledi.
Batys Qazaqstan, Qostanaı, Soltústik Qazaqstan, túnde Pavlodar oblystarynyń keı jerlerinde tuman bolýy yqtımal.
