Qazgıdromet: Qarashanyń 19-y kúngi aýa raıy boljamy
NUR-SULTAN. QazAqparat – Qarashanyń 19-y kúni respýblıkanyń basym bóliginde atmosferalyq frontaldy bólikterdiń ótýine baılanysty turaqsyz aýa raıy kútiledi, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, búgin elimizdiń keı jerlerinde jaýyn-shashyn bolady, respýblıkanyń ortalyq bóliginde jáne shyǵysynda kúndiz keı jerlerde mol kólemde qar jaýady. Keı jerlerde jel kúsheıip, tuman túsip, jaıaý burqasyn, soltústik pen shyǵysta kóktaıǵaq kútiledi.
Almaty, Túrkistan oblystarynyń birqatar aýmaqtarynda kúndiz 15-20 m/s jyldamdyqpen jel soǵady.
Qyzylorda, Atyraý, Mańǵystaý, Jambyl oblystarynyń keı jerlerinde – tuman túsip, Qyzylorda, Atyraý oblystarynyń birqatar aýmaqtarynda kóktaıǵaq bolady. Jambyl oblysynyń keı jerlerinde jel 15-20 m/s jyldamdyqpen soǵady.
Aqmola, Soltústik Qazaqstan oblystarynyń keı jerlerinde tuman túsip, burqasyn bolýy yqtımal, jel 15-20 m/s kúsheıedi.
Batys Qazaqstan, Aqtóbe oblystarynyń keı jerlerinde tuman, kóktaıǵaq kútiledi, kúndiz jel 15-20 m/s kúsheıedi. Aqtóbe oblysynyń keı jerlerinde jaıaý burqasyn bolýy yqtımal.
Qostanaı, Shyǵys Qazaqstan oblystarynyń keı jerlerinde burqasyn bolyp, jeldiń jyldamdyǵy sekýndyna 15-20 metrge, ekpini 23 metrge jetedi. Qostanaı oblysynyń keı aýmaqtarynda tuman, Shyǵys Qazaqstan oblysynyń birqatar bóliginde kóktaıǵaq kútiledi.
Pavlodar, Qaraǵandy oblystarynyń keı jerlerinde tuman, burqasyn, kóktaıǵaq, jaıaý burqasyn bolady degen boljam bar, jel 15-20 m/s kúsheıedi.
