Qazgıdromet: Qarashanyń 18-i kúngi aýa raıy boljamy
NUR-SULTAN. QazAqparat – Qarashanyń 18-i kúni antıtsıklonnyń yqpalynan Qazaqstannyń basym bóliginde kún ashyq bolady. Tek eldiń soltústigi men shyǵysynyń keıbir bólikterinde ǵana qar jaýady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, eldiń basym bóliginde búgin jel kúsheıip, tuman túsip, jaıaý burqasyn bolady. Eldiń soltústigi men shyǵysynda kóktaıǵaq bolady.
Aqmola, Pavlodar oblystarynyń keı jerlerinde tuman túsip, jaıaý burqasyn bolady jáne jel kúsheıip, jyldamdyǵy sekýndyna 15-20 metrge jetedi.
Soltústik Qazaqstan, Shyǵys Qazaqstan oblystarynyń birqatar aýmaqtarynda boran soǵyp, kóktaıǵaq bolady. Jel kúsheıip, jyldamdyǵy sekýndyna 15-20 metrge jetedi. Soltústik Qazaqstan oblysynyń keı jerlerine tuman túsedi.
Jambyl, Túrkistan, Qyzylorda, Mańǵystaý, Atyraý, Batys Qazaqstan, Aqtóbe, Qostanaı, Qaraǵandy oblystarynyń keı jerlerine tuman túsedi.
Qaraǵandy oblysynda jáne kúndiz Jambyl oblysynda jel sekýndyna 15-20 metr jyldamdyqpen uıtqıdy. Qostanaı oblysynda kóktaıǵaq bolýy yqtımal.
