Qazgıdromet: qarashanyń 17-si kúngi kún raıy boljamy
NUR-SULTAN. QazAqparat – «Qazgıdromet» RMK-sy qarashanyń 17-si kúngi kún raıy boljamyn jarııalady, dep habarlaıdy QazAqparat.
Kásiporynnyń boljamyna qaraǵanda, 17 qarashada soltústik-batys jáne ońtústik tsıklondar Qazaqstan aýmaǵyna áser etýin jalǵastyrýda. Osyǵan baılanysty búgin eldiń basym bóliginde qar jaýady. QR ońtústiginde, ońtústik-shyǵysynda jáne shyǵysynda jańbyr men qar, nóser jaýyn jaýady.
Atyraý oblysynda kún jaýyn-shashynsyz bolady. Respýblıkanyń basym bóliginde tuman túsip, kóktaıǵaq, jaıaý burqasyn bolyp, jel kúsheıedi. Túnde elimizdiń ońtústiginde shańdy daýyl turady.
Qaraǵandy oblysynyń ońtústiginde, shyǵysynda, ortalyǵynda burqasyn, kóktaıǵaq bolady, jel sekýndyna 15-20 metr jyldamdyqpen uıtqıdy, kúndiz oblystyń ońtústiginde ekpini 23-28 m/s, keıde 30 m/s jáne odan da joǵary bolady. Oblystyń batysy men soltústiginde tuman túsedi.
Almaty oblysynyń ońtústik-shyǵysynda jáne taýly aýdandarda tuman túsip, kóktaıǵaq bolady, jel sekýndyna 15-20 metr jyldamdyqpen soǵyp, ekpini 23-28 m/s, kúndiz Alakól kólderi aýdanynda 30 m/s jáne odan da joǵary bolady.
Shyǵys Qazaqstan oblysynyń soltústiginde, batysynda burqasyn, kóktaıǵaq kútiledi, oblystyń batys bóliginde jeldiń jyldamdyǵy sekýndyna 15-20 metr, kúndiz ekpini 25 m/s-qa deıin kúsheıedi.
Jambyl oblysynyń ońtústik-batysynda, soltústik-shyǵysynda jáne taýly aýdandarynda tuman, kóktaıǵaq, burqasyn bolady. Jel sekýndyna 15-20 mter jyldamdyqpen uıtqyp, ekpini 23-28 m/s bolady, keıde 30 m/s jáne odan da kúshti bolady.
Túrkistan oblysynyń basym bóliginde jel sekýndyna 15-20 metr jyldamdyqpen soǵady, kúndiz soltústiginde, batysynda, taýly jáne taý bókterindegi aýdandarynda 23-28 m/s, taýly asýlarda 30 m/s jáne odan da kúshti bolady. Túnde oblystyń soltústiginde, batysynda jáne ońtústiginde shańdy daýyl turady.
Soltústik Qazaqstan oblysynyń soltústiginde, batysynda jaıaý burqasyn, ońtústik-shyǵysynda – túnde jáne tańerteń tuman, túnde oblystyń batysynda jel 15-20 m/s-qa deıin kúsheıediǵ kúndiz 15-20 m/s, oblystyń batysynda ekpini 25 m/s bolady.
Qostanaı oblysynyń soltústik-batysynda tuman, kóktaıǵaq, jaıaý burqasyn bolady, jel 15-20 m/s jyldamdyqpen soǵady.
Qyzylorda oblysynyń ortalyǵynda jáne shyǵysynda burqasyn, kóktaıǵaq bolady, oblystyń basym bóliginde jel 15-20 m/s jyldamdypen soǵady.
Kúndiz Aqtóbe oblysynyń soltústiginde jaıaý burqasyn, kóktaıǵaq bolady, jeldiń jyldamdyǵy sekýndyna 15-20 metrge deıin kúsheıedi.
Aqmola oblysynyń soltústiginde, batysynda tuman, jaıaý burqasyn bolyp, kúndiz jel 15-20 m/s jyldamdyqpen uıtqıdy.
Kúndiz Batys Qazaqstan oblysynyń soltústik-shyǵysynda kóktaıǵaq, tuman bolady.
Túnde Mańǵystaý oblysynyń soltústik-shyǵysynda kóktaıǵaq, batysynda jeldiń jyldamdyǵy sekýndyna 15-20 metrge deıin jetedi.
Atyraý oblysynyń batysynda, shyǵysynda, ortalyǵynda kóktaıǵaq bolady.
Túnde Pavlodar oblysynyń soltústiginde, batysynda tuman kútiledi.
