Qazgıdromet: Qarashanyń 17-si kúngi aýa raıy boljamy
NUR-SULTAN. QazAqparat – Qarashanyń 17-si kúni Qazaqstannyń basym bóligine antıtsıklon yqpal etip, kún ashyq bolady, dep habarlaıdy QazAqparat «Qazgıdromet» RMK-na silteme jasap.
Tek eldiń soltústik batysynda, soltústigi men shyǵysynda ǵana qar jaýady. Keı jerlerde jel kúsheıip, tuman túsip, soltústikte kóktaıǵaq bolady.
Soltústik Qazaqstan oblysynyń birqatar aýmaqtarynda jaıaý burqasyn, kóktaıǵaq bolady. Túnde jel kúsheıip, jyldamdyǵy sekýndyna 15-20 metrge jetedi. Kúndiz eldiń basym bóliginde jel sekýndyna 15-20 metrge jetip, ekpini 23 metr bolady.
Almaty oblysynda túnde jáne tań ata eldiń birqatar aımaqtaryna tuman túsip, Jalańashkól aýdanynda jel sekýndyna 15-20 metr jyldamdyqpen soǵady.
Aqmola, Pavlodar, Shyǵys Qazaqstan oblystarynda jaıaý burqasyn bolyp, jeldiń jyldamdyǵy sekýndyna 15-20 metrge jetedi.
Qostanaı oblysynda da jaıaý burqasyn soǵyp, tuman túsip, jeldiń jyldamdyǵy sekýndyna 15-20 metrge jetedi.
Jambyl, Qyzylorda, Mańǵystaý, Atyraý, Batys Qazaqstan, Qaraǵandy oblystarynda, tań ata jáne túnde Aqtóbe oblysynyń birqatar aýmaqtarynda tuman túsip, Jambyl, Qyzylorda, oblystaryna túnde jáne tań ata jel sekýndyna 15-20 metr jyldamdyqpen uıtqıdy.
Túrkistan oblysynda jeldiń jyldamdyǵy 15-20 m/s bolady.
