Qazgıdromet: qarashanyń 16-sy kúngi kún raıy boljamy
NUR-SULTAN. QazAqparat – «Qazgıdromet» RMK-sy qarashanyń 16-sy kúngi kún raıy boljamyn jarııalady, dep habarlaıdy QazAqparat.
Kásiporynnyń boljamyna qaraǵanda, soltústik-batys jáne ońtústikten keletin tsıklondardyń áserinen Qazaqstannyń keıbir bóliginde qar jaýsa, ońtústik pen shyǵysta jańbyr jaýady. Eldiń tek ońtústik-shyǵysy men Soltústik Qazaqstan oblysynda kún jaýyn-shashynsyz bolady. Respýblıkamyzdyń basym bóliginde tuman túsip, kóktaıǵaq bolady, jeldiń kúsheıip, batysta, shyǵysta burqasyn soǵady.
Mańǵystaý oblysynda kóktaıǵaq, oblystyń soltústiginde tuman, túnde oblystyń batysynda, kúndiz oblystyń basym bóliginde jel sekýndyna 15-20 metr jyldamdyqpen soǵady.
Túnde jáne tańerteń Almaty oblysynyń ońtústiginde jáne shyǵysynda tuman túsip, kóktaıǵaq bolady, oblystyń shyǵysynda jeldiń kúshi sekýndyna 15-20 metrge jetedi, ekpini 25 m/s.
Túnde jáne tańerteń Atyraý oblysynyń soltústigi men ortalyǵynda tuman túsip, kóktaıǵaq bolady, oblystyń batysynda, shyǵysynda – jel kúsheıip, jaıaý burqasyn soǵady.
Túnde Batys Qazaqstan oblysynyń ońtústik-shyǵysynda kóktaıǵaq bolady, oblystyń batysynda – tuman túsip, ońtústikte jel sekýndyna 15-20 metr jyldamdyqpen soǵady
Qyzylorda oblysynyń soltústiginde, ortalyǵynda tuman túsip, kóktaıǵaq bolady, kúndiz oblystyń soltústiginde jel 15-20 m/s jyldamdyqpen soǵyp, burqasyn bolady.
Shyǵys Qazaqstan oblysynyń soltústiginde, shyǵysynda jaıaý burqasyn soǵady, joldarda – kóktaıǵaq, oblystyń batysynda jeldiń jyldamdyǵy sekýndyna 15-20 metrge jetedi
Jambyl oblysynyń ońtústik-batysynda, soltústik–shyǵysynda jáne taýly aýdandarynda tuman túsip, jel 15-20 m/s jyldamdyqpen uıtqıdy.
Aqmola oblysynyń soltústiginde, Qostanaı oblysynyń shyǵysynda, Soltústik Qazaqstan oblysynyń soltústik–batysynda, Pavlodar oblysynda tuman, Pavlodar oblysynyń ońtústiginde, shyǵysynda kóktaıǵaq kútiledi.
