Qazgıdromet: Qańtardyń 7-si kúngi aýa raıy boljamy
NUR-SULTAN. QazAqparat – «Qazgıdromet» RMK-sy qańtardyń 7-si kúngi aýa raıy boljamyn jarııa etti, dep habarlaıdy QazAqparat.
Kásiporyn taratqan derekterge qaraǵanda, 7-shi qańtar kúni Qazaqstan terrıtorııasynyń basym bóligi áli de Soltústik antıtsıklon jotasynyń yqpalynda bolady jáne kún aıazdy, jaýyn-shashynsyz bolady.
Tek respýblıkanyń soltústik-batysynda, kúndiz batysynda, túnde ońtústiginde atmosferalyq frontaldy bólikterdiń ótýine baılanysty jaýyn (jańbyr, qar) jaýady. Respýblıkanyń keı jerlerinde tuman túsip, jel kúsheıedi, batysynda – kóktaıǵaq, jaıaý burqasyn bolady.
Mańǵystaý oblysynyń keı jerlerinde jel 15-20 m/s jyldamdyqpen uıtqıdy, kúndiz kóktaıǵaq bolady.
Almaty oblysynyń Jalańashkól aýdanynda jel sekýndyna 17-12 metr jyldamdyqpen soǵady, túnde ekpini 25 m/s bolady.
Jambyl, Túrkistan, Atyraý, Batys Qazaqstan, Qostanaı, Pavlodar, Shyǵys Qazaqstan oblystarynyń keı jerlerinde tuman túsip, Atyraý oblysynyń keı jerlerinde kóktaıǵaq bolady. Batys Qazaqstan oblysynyń keı jerlerinde jaıaý burqasyn bolýy yqtımal.
Túnde Túrkistan, Qaraǵandy oblystarynyń keı jerlerinde qatty aıaz bolady.
Shyǵys Qazaqstan oblysynyń soltústiginde qatty aıaz, Almaty oblysynyń soltústiginde óte qatty aıaz bolady.
