Qazgıdromet: Qańtardyń 6-sy kúngi kún raıy boljamy
NUR-SULTAN. QazAqparat – «Qazgıdromet» RMK-sy qańtardyń 6-sy kúngiń kún raıy boljamyn jarııalady, dep habarlaıdy QazAqparat.
Kásiporyn taratqan derekterge qaraǵanda, antıtsıklon jotasy Qazaqstannyń shyǵys bóligine áserin saqtaıdy. Qazaqstannyń qalǵan aýmaǵynda tsıklon men atmosferalyq aǵyndardyń áserinen jaýyn-shashyn (jańbyr, qar) bolady.
Ońtústiktiń taýly aýdandarynda qatty jaýyn, kóktaıǵaq bolyp, jel kúsheıedi, eldiń ońtústigi men ońtústik-shyǵysyndaǵy taýly asýlarda jeldiń jyldamdyǵy sekýndyna 30 metrge jetedi jáne odan da joǵary bolýy yqtımal. Respýblıka boıynsha keı jerlerde tuman túsip, jel kúsheıedi.
Túrkistan oblysynyń soltústiginde tuman túsip, kóktaıǵaq bolady, batysy men ońtústiginde jáne taý bókterindegi aýdandarda jeldiń jyldamdyǵy sekýndyna 17-22 metrge jetedi, taýly aýdandarda jáne oblystyń soltústiginde 25 m/s, taýly asýlarda 30 m/s jáne odan da joǵary bolady.
Jambyl oblysynyń soltústiginde, taýly jáne taý bókterindegi aýdandarynda tuman túsip, kóktaıǵaq bolady, soltústik-shyǵysta, ońtústik-batysta, taýly aýdandarda jel 15-20 m/s, kúndiz oblystyń ońtústik-batysynda ekpini 23-28 m/s, keıde 30 m/s jáne odan da joǵary bolýy yqtımal.
Almaty oblysynyń soltústiginde, ońtústiginde jáne shyǵysynda tuman, kóktaıǵaq bolady, Alakól kólderiniń aýdanynda jel 15-20 m/s, ekpini 23-28, keıde 30 m/s jáne odan da joǵary kútiledi.
Batys Qazaqstan oblysynyń soltústiginde, soltústik-shyǵysynda tuman, kóktaıǵaq bolady.
Atyraý oblysynyń soltústik-shyǵysynda tuman bolyp, oblystyń shyǵysy men ortalyǵynda jel sekýndyna 15-20 m/s-ke deıin kúsheıedi.
Mańǵystaý oblysynyń batysynda, soltústiginde kóktaıǵaq bolyp, tuman túsedi, 15-20 m/s ekpindi jel kútiledi.
Aqtóbe oblysynyń ońtústiginde túnde tuman túsip, kóktaıǵaq, kúndiz burqasyn bolady, oblystyń ortalyǵynda, ońtústiginde jel ekpini 15-20 m/s jetedi.
Kúndiz Qaraǵandy oblysynyń batysynda, ońtústiginde - jaıaý burqasyn bolyp, batysynda, shyǵysynda, oblys ortalyǵynda jel 15-20 m/s-ke deıin kúsheıedi.
Shyǵys Qazaqstan oblysynyń soltústiginde tuman túsedi, oblystyń ońtústik-shyǵysynda jel 15-20 m/s kúsheıedi.
Qyzylorda oblysynyń soltústiginde jáne ortalyǵynda tuman, kóktaıǵaq, burqasyn kútiledi, oblystyń shyǵysynda jel 15-20 m/s, kúndiz 15-20, ekpini 23 m/s jetedi.
