Qazgıdromet: Qańtardyń 6-sy kúngi aýa raıy boljamy
NUR-SULTAN. QazAqparat – «Qazgıdromet» RMK-sy qańtardyń 6-sy kúngi aýa raıy boljamyn jarııa etti, dep habarlaıdy QazAqparat.
Kásiporyn taratqan málimetterge qaraǵanda, Qazaqstannyń basym bóligi áli de Soltústik antıtsıklon jotasynyń yqpalynda bolady jáne kún aıazdy, jaýyn-shashynsyz bolady. Tek respýblıkanyń soltústik-batysynda ǵana túnde atmosferalyq frontaldy bólikterdiń ótýine baılanysty qar jaýady.
Respýblıkanyń keı jerlerinde tuman túsip, jel kúsheıedi.
Mańǵystaý, Shyǵys Qazaqstan, túnde Soltústik Qazaqstan oblystarynyń keı jerlerinde jel 15-20 m/s jyldamdyqpen uıtqıdy.
Shyǵys Qazaqstan oblysynyń keı jerlerinde tuman túsedi. Almaty oblysynyń Jalańashkól aýdanynda jeldiń jyldamdyǵy sekýndyna 20-25 metr bolady, ekpini 30 m/s-qa deıin kúsheıedi.
Jambyl, Túrkistan, Atyraý, Batys Qazaqstan, Qostanaı, Pavlodar oblystarynyń keı jerlerinde tuman túsedi.
Túnde Shyǵys Qazaqstan oblysynyń keı jerlerinde qatty aıaz, Almaty oblysynyń soltústiginde óte qatty aıaz bolady.
