Qazgıdromet: Qańtardyń 4-i kúngi aýa raıy boljamy
NUR-SULTAN. QazAqparat – «Qazgıdromet» RMK-sy qańtardyń 4-i kúngi aýa raıy boljamyn jarııa etti, dep habarlaıdy QazAqparat.
Kásiporynnyń boljamyna qaraǵanda, Qazaqstan aýmaǵynyń basym bóligine áli de soltústik antıtsıklon jotasy yqpal etedi. Aýa-raıy jaýyn-shashynsyz bolady. Tek eldiń batys, soltústik-batysynda atmosferalyq frontaldy bólikterdiń ótýine baılanysty qar jaýady.
Respýblıkanyń keı jerlerinde tuman túsip, jaıaý burqasyn bolyp, ońtústiginde jel kúsheıedi.
Batys Qazaqstan, Qostanaı, Túrkistan oblystarynyń keı jerlerinde tuman túsip, jaıaý burqasyn bolady.
Túrkistan oblysynyń keı jerlerinde jel kúsheıip, jyldamdyǵy sekýndyna 15-20 metrge jetedi.
Jambyl oblysynyń keı jerlerinde tuman túsip, jel 15-20 m/s jyldamdyqpen uıtqıdy.
Almaty oblysynyń keı jerlerine tuman túsedi. Jalańashkól aýdanynda jeldiń jyldamdyǵy sekýndyna 18-23 metrge jetedi.
Qyzylorda oblysynyń keı jerlerinde jel 15-20 m/s-qa deıin kúsheıedi.
Atyraý, Aqtóbe, Manǵystaý, Pavlodar, Shyǵys Qazaqstan oblystarynyń keı jerlerine tuman túsedi.
Túnde Almaty oblysynyń basym bóliginde, Pavlodar, Shyǵys Qazaqstan oblystarynyń keı jerlerinde qatty aıaz, Almaty oblysynyń keı jerlerinde óte qatty aıaz bolady.
