Qazgıdromet: Qańtardyń 30-y kúngi aýa raıy boljamy
NUR-SULTAN. QazAqparat – Qańtardyń 30-y kúni Qazaqstannyń basym bóligine joǵary aýa qysym áser etip, kún jaýyn-shashynsyz bolady, dep habarlaıdy QazAqparat «Qazgıdromet» RMK-nyń baspasóz qyzmetine silteme jasap.
QR batys aýdandaryna soltústik-batys tsıklonynyń jyrasy áser etetin bolǵandyqtan bul aımaqta jaýyn, qar jaýyp, kóktaıǵaq bolady.
Respýblıkanyń keı jerlerine tuman túsip, jel kúsheıedi.
Mańǵystaý, Atyraý, Batys Qazaqstan oblystarynyń keı jerlerine tuman túsip, kóktaıǵaq bolady.
Aqtóbe oblysynyń keı jerlerine tuman túsip, túnde kóktaıǵaq bolady, jeldiń kúshi sekýndyna 16 metrge jetedi. Jambyl, Qaraǵandy oblystarynyń keı jerlerine tuman túsip, jel sekýndyna 15-23 metr jyldamdyqpen esedi.
Shyǵys Qazaqstan oblysynyń keı jerlerinde jaıaý burqasyn bolady, jel 15-20 m/s jyldamdyqpen uıtqıdy.
Aqmola, Túrkistan, Qostanaı, Soltústik Qazaqstan, Pavlodar oblystarynyń keı jerlerine tuman túsedi.
Almaty oblysynyń Jalańashkól aýdanynda jeldiń jyldamdyǵy sekýndyna 15-20 metrge jetedi.
