Qazgıdromet: Qańtardyń 29-y kúngi aýa raıy boljamy
NUR-SULTAN. QazAqparat – Qańtardyń 29-y kúni Qazaqstannyń batys aýdandaryna soltústik-batys tsıklonynyń jyrasy áser etedi, dep habarlaıdy QazAqparat «Qazgıdromet» RMK-nyń málimetterine silteme jasap.
Sonyń saldarynan respýblıkanyń basym bóliginde jańbyr, qar jaýyp, kóktaıǵaq bolady jáne aýa temperatýrasy kóteriledi.
Respýblıkanyń keı jerlerinde sonymen qatar búgin tuman túsip, jel kúsheıedi.
Aqmola, Jambyl, Túrkistan, Soltústik Qazaqstan, Pavlodar oblystarynda keı jerlerinde tuman túsip, jeldiń jyldamdyǵy sekýndyna 15-20 metrge jetedi.
Mańǵystaý, Atyraý, Batys Qazaqstan oblystarynyń keı jerlerinde kóktaıǵaq bolyp, jel sekýndyna 15-22 metr jyldamdyqpen esedi.
Batys Qazaqstan oblysynda – tuman túsedi.
Qostanaı, Qaraǵandy, Shyǵys Qazaqstan, túnde Almaty oblystarynyń keı jerlerinde tuman túsip, túnde Shyǵys Qazaqstan oblysynda jaıaý burqasyn bolady.
Aqtóbe, Qyzylorda oblystarynynyń keı jerlerinde jeldiń kúshi sekýndyna 15-20 metrge jetedi.
