Qazgıdromet: Qańtardyń 28-i kúngi aýa raıy boljamy
NUR-SULTAN. QazAqparat - Qańtardyń 28-i kúni Qazaqstannyń basym bóligindegi aýa raıyna Batys Sibirden taraıtyn antıtsıklon jotasy yqpal etedi. Sonyń saldarynan elimizdiń shyǵysynda burqasyn bolyp, qar jaýady.
Respýblıkanyń keı jerlerinde tuman túsip, jel kúsheıedi. Aqmola oblysynda – kóktaıǵaq, Mańǵystaý oblysynda – shańdy daýyl bolady.
Mańǵystaý oblysynyń keı jerlerinde shańdy daýyl turyp, jel 18-23 m/s jyldamdyqpen soǵady.
Aqmola, Jambyl, Batys Qazaqstan, Soltústik Qazaqstan oblystarynyń keı jerlerinde tuman túsip, jel 15-20 m/s jyldamdyqpen uıtqıdy.
Aqmola oblysynda – kóktaıǵaq bolady.
Shyǵys Qazaqstan, Atyraý, kúndiz Qyzylorda oblystarynyń keı jerlerinde jeldiń jyldamdyǵy sekýndyna 15-20 metrge jetedi.
Shyǵys Qazaqstan oblysynda burqasynmen birge. Almaty oblysynyń Jalańashkól aýdanynda jel 15-20 m/s-ke deıin kúsheıedi, túnde keı jerlerinde tuman túsedi.
Túrkistan, Aqtóbe, Qostanaı, Pavlodar, Qaraǵandy oblystarynyń keı jerlerine de tuman túsedi.
