Qazgıdromet: Qańtardyń 1-i kúngi kún raıy boljamy
NUR-SULTAN. QazAqparat – «Qazgıdromet» RMK-sy qańtardyń 1-i kúngi kún raıy boleamyn jarııalady, dep habarlaıdy QazAqparat.
Kásporynnyń boljamyna qaraǵanda, sýyq antıtsıklon elimizdiń shyǵys, soltústik óńirleriniń kún raıyna yqpal etedi. Munda kún jaýyn-shashynsyz bolady.
Elimizdiń batysy men ońtústiginde atmosferalyq aǵyndardyń ótýine baılagysty kún raıy qubylmaly bolady. Jaýyn jaýyp, kóktaıǵaq bolyp, jel kúsheıei. Respýblıkanyń keı jerlerinde tuman túsedi.
Mańǵystaý oblysynyń basym bóliginde tuman túsip, kúndiz oblystyń soltústik-batysynda kóktaıǵaq bolyp, jeldiń jyldamdyǵy sekýndyna 15-20 metrge jetedi.
Batys Qazaqstan oblysynyń soltústik-batysynda, Atyraý oblysynyń batysynda, ońtústiginde jáne ortalyǵynda tuman túsip, kóktaıǵaq bolady. Kúndiz Batys Qazaqstan oblysynyń soltústik-shyǵysynda jeldiń jyldamdyǵy 15-20 m/s-ke jetedi.
Aqmola, Almaty oblystarynyń ońtústigi men shyǵysynda, ońtústiginde, batysynda, Túrkistan oblysynyń taýly, taý bókteri aýdandarynda, soltústiginde, Jambyl oblysynyń taýly, taý bókteri aýdandarynda, Qyzylorda ortalyǵynda, Shyǵys Qazaqstan oblysynyń soltústigi men ońtústiginde, Aqtóbe oblysynyń ortalyǵy men soltústik-shyǵysynda tuman túsedi, Almaty oblysynyń Alakól kólderi aýdanynda jeldiń jyldamdyǵy sekýndyna 18-23 metrge jetedi.
